(បរទេស)៖ ខ្សែប្រយុទ្ធស្លាបសញ្ជាតិប្រេស៊ីល Vinicus Jr របស់ក្រុមអធិរាជស Real Madrid បានទាញយកអត្ថប្រយោជន៍ពីការឈប់សម្រាករដូវរងារនៃកីឡាបាល់ទាត់អេស៉្បាញ ដោយបានធ្វើដំណើរ ជាង១មុឺនគីឡូម៉ែត្រ ដើម្បីទទួលបានស្នាមសាក់ខាងក្រោយខ្នង ដែលបានចំណាយពេលប្រមាណ៨ម៉ោង ក្នុងការសាក់រូបកីឡាករដែលជានិមិត្តរូបខ្លួន។
ងាកឆ្ងាយពីបាល់ទាត់ Vinicius គឺជាអ្នកគាំទ្រកីឡាករបាល់បោះ (Basketball) ដ៏ធំសម្បើមមួយរូប ដោយបានចំណាយពេលជាមួយ Idol របស់ខ្លួននៅ NBA វីរបុរស LeBron James និង Giannis Antetokounmpo កាលពីអតីតកាល។ មិនតែប៉ុណ្ណោះ ដើម្បីជាកិត្តិយសដល់កីឡាដែលគាត់ចូលចិត្តទីពីរ តារាឆ្នើមវ័យ២៣ឆ្នាំរូបនេះ បានទៅទីក្រុង Los Angeles ដើម្បីសួរសុខទុក្ខសិល្បករសាក់រូបដ៏ល្បីល្បាញលើពិភពលោក Ganga និងបានសាក់រូបវីរបុរសកីឡាបាល់បោះជាច្រើននាក់ផ្សេងទៀត។
Vinicious បានបង្ហាញស្នាមសាក់ថ្មីរបស់ខ្លួន នៅលើប្រព័ន្ធផ្សព្វផ្សាយសង្គម ដើម្បីផ្តល់កិត្តិយសដល់វីរបុរស Pele, Michael Jordan, Kobe Bryant និង Muhammad Ali រួមជាមួយនឹងលេខពេញចិត្តរបស់ខ្លួន លេខ៧ ដោយមានពាក្យ «Mentality» និងពាក្យមួយទៀត «Black Lives Matter»៕
ប្រភព៖ sportbible
(អង់គ្លេស)៖ ក្លឹបបិសាចក្រហម Manchester United បានចាប់ផ្តើមបើកការពិភាក្សាជាមួយក្លឹប Getafe លើលក្ខខណ្ឌខ្ចីជើងជាលើកទី២ សម្រាប់ខ្សែប្រយុទ្ធស្លាបដ៏មានសក្តានុពល Mason Greenwood លើកិច្ចព្រមព្រៀងរយៈពេល១ឆ្នាំបន្ថែម សម្រាប់រដូវកាល ២០២៤-២៥ នេះបើយោងតាមសារព័ត៌មាន The Athletic បានចេញផ្សាយនាពេលថ្មីៗនេះ។អត្ថបទកំពុងចាប់អារម្មណ៍៖ Man Utd ចេញមកបញ្ជាក់កិច្ចពិភាក្សា ជុំវិញការចាកចេញរបស់ Greenwood សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករសញ្ជាតិអង់គ្លេសវ័យ ២២ឆ្នាំ បានចូលរួមជាមួយក្លឹបអេស្ប៉ាញ Getafe ក្នុងកិច្ចសន្យាខ្ចីជើងរយៈពេល១រដូវកាល កាលពីរដូវក្តៅឆ្នាំមុន។ ទន្ទឹមនឹងនេះដែរ ក្លឹបបិសាចក្រហមចង់លក់ Greenwood នៅចុងរដូវកាលនេះ ជាជាងដាក់ទណ្ឌកម្មឲ្យក្លឹបដទៃខ្ចីជើង។ ជាមួយគ្នានេះ Getafe ទំនងជាមិនបន្តកិច្ចព្រមព្រៀងជាអចិន្ត្រៃយ៍ដល់ Greenwood នោះទេ ខណៈរូបគេអាចស្វែងរកត្រឹមការផ្ទេរទៅកាន់ក្លឹបនៅលីគទី២ អង់គ្លេសប៉ុណ្ណេាះ។ គួរបញ្ជាក់ផងដែរថា Greenwood ស្ថិតនៅក្រោមកិច្ចសន្យាជាមួយបិសាចក្រហមរហូតដល់ខែមិថុនា ឆ្នាំ២០២៥៕ ប្រភព៖ SportsMole