គុនខ្មែរ៖ អ្នកលេងពូថៅដៃ ធឿន ធារ៉ា បានចេញមកឆ្លើយតបនឹងអតីតដៃគូរបស់ខ្លួនកីឡាករអាហ្សង់ទីន Ricard Bravo ដែលទាមទារតម្លៃខ្លួនដល់ទៅ២០មុឺនដុល្លាអាមេរិក បើសិនជា ធឿន ធារ៉ា ចង់ជួបខ្លួនម្តងទៀតនៅទឹកដីកម្ពុជា។ ធឿន ធារ៉ា បានប្រើប្រាស់បណ្តាញសង្គមរបស់ខ្លួននៅថ្ងៃទី២១ខែធ្នូឆ្នាំ២០២៣ ដើម្បីឆ្លើយតបទៅកីឡាករ អាហ្សង់ទីនរូបនេះវិញថា៖ «ហេ Bravo, អ្នកខ្លាចមែន?២០ម៉ឺនដុលា្លរ តម្លៃខ្លួននេះ វាមិនសមនឹងសមត្ថភាពពិតប្រាកដរបស់អ្នកទេ សម្រាប់ខ្ញុំ ខ្ញុំមិនខ្លាចអ្នកឡើយ ប្រកួតនៅទីណាក៏បាន បើចង់ឲ្យខ្ញុំទៅវាយនៅកម្មវិធី ONE ត្រូវទទួលសំណើខ្ញុំ ២០ម៉ឺនដុល្លារដូចគ្នា!!!»៕