ក្លឹប Luton Town បានបញ្ជាក់ជាផ្លូវការណ៏ថាប្រធានក្រុមវ័យ២៩ឆ្នាំកីឡាករ Tom Lockyer បានជួបប្រទះឧប្បតិ្តហេតុហេតុគាំងបេះដូង នៅពេល​ដែលកីឡាករលេង​តួនាទីបម្រើ-ការពាររូបនេះបានដួលអំឡុងពេលការប្រកួតក្របខណ្ឌ Premier League សប្តាហ៏ទី១៧កាលពីថ្ងៃសៅរ៍​ជាមួយ​ក្រុមម្ចាស់ផ្ទះ Bournemouth នៅតង់ទីពីរ។មានន័យថាការប្រកួតនៅកីឡដ្ឋាន Vitality ត្រូវបាន​ចាត់ទុកជាមោឃៈបន្ទាប់ពីការពន្យា​ពេលជាច្រើន​នាទីត្រូវ​បានដាក់ចេញ។ គួរបញ្ជាក់ថា Lockyer បានដួលស្រឹបចុះនៅនៅជិតប្រអប់ទី២ភ្លាមៗហើយមិនមាន​កីឡាករមិត្តរួមក្រុមណានៅ​ជិត​នោះ​ភ្លាមៗទេ។ទោះ​យ៉ាងណាមិត្តរួមក្រុមមួយចំនួនរបស់ Lockyer មានការព្រួយបារម្មណ៍យ៉ាងខ្លាំងបន្ទាប់ពីឃើញ​ហេតុការណ៏​នេះ​ភ្លាមៗនោះ​អ្នក​ចាត់ការ Rob Edwards បានប្រញាប់ប្រញាល់ទៅកាន់ទីលានក្នុងការប៉ុនប៉ងដើម្បីជួយប្រធានក្រុមរបស់គាត់។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទីបំផុតកីឡាករទាំងពីរក្រុមត្រូវបានដកចេញពីទីលាន ខណៈកីឡាករសញ្ជាតិវែលរូបនេះត្រូវបានក្រុមគ្រូពេទ្យ​ធ្វើការសង្គ្រោះបឋម​ភ្លាមៗនៅលើ​ទីលាន មុនពេលបញ្ជូនចេញពីទីលានប្រកួតទៅកាន់មន្ទីរពេទ្យ។រំលឹកថាមិនមែនជាលើកទី១នោះទេសម្រាប់ Lockyer ខណៈរូបគេ​ក៏ធ្លាប់​ដួល​លើទីលានផងដែរដោយសារតែបញ្ហាបេះដូងនេះអំឡុងពេលការប្រកួតវគ្គផ្តាច់ព្រ័ត្រ Play Championship នៅ Wembley កាលពីដើមឆ្នាំនេះ។

ប្រភព:BBC