(អេស៉្បាញ)៖ យោងតាមរបាយការណ៍ថ្មីៗនេះ បានអះអាងថា ខ្សែបម្រើឆ្នើម Real Madrid ដែលឈ្នះពាន UCL ៥សម័យ Luka Modric គ្រោងនឹងចាកចេញពីក្លឹប បន្ទាប់ពីកិច្ចសន្យាកុងត្រាជិតផុតកំណត់។ កីឡាករវ័យ៣៨ឆ្នាំរូបនេះ បានចុះហត្ថលេខាជាមួយ Real Madrid ក្នុងឆ្នាំ ២០១២ ដែលផ្ទេរពីក្រុមមាន់ខ្នាយមាស Tottenham Hotspur។ កាលពីឆ្នាំ ២០១៨ ខ្សែបម្រើរូបនេះ បានជួយឲ្យក្រុមជម្រើសជាតិក្រូអាតឡើងទៅវគ្គផ្តាច់ព្រ័ត្រ World Cup ប៉ុន្តែបរាជ័យបានត្រឹមជើងឯករងប៉ុណ្ណោះ។ ទោះជាយ៉ាងនេះក្តី Modric បានឈ្នះពានរង្វាន់ Ballon d’Or ព្រោះតែទម្រង់លេងដ៏អស្ចារ្យរបស់គាត់ក្នុអំឡុងពេលនោះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យ៉ាងណាមិញ Modrid ទើបតែលេងបាន ៦ ប្រកួតប៉ុណ្ណោះនៅ Laliga រដូវកាលនេះ។ តួនាទីរបស់គាត់នៅ Real Madrid ហាក់ដូចជាមិនសូវអំណោយផលសោះ ក្រោយមានវត្តមានខ្សែបម្រើវ័យក្មេង Aurelien Tchouameni និង Eduardo Camavinga។ ទោះបីជាយ៉ាងណាក៏ដោយ គ្រូបង្វឹកលោក Carlo Ancelotti ចង់រក្សា Modric រហូតដល់ចុងបញ្ចប់នៃរដូវកាលនេះ ដោយសារបទពិសោធន៍ដ៏ជោគជាំរបស់គាត់នៅក្នុងពានរង្វាន់ធំៗ៕

ប្រភព៖ sportbible