ដាវ ចេញមកអះអាងថា ខ្លួនមិនបានទាមទារផ្លាស់ប្តូរលក្ខខណ្ឌវាយអំបោះឆៅភ្លាមៗ ដូចការលើកឡើងដោយ ព្រំ សំណាង ឡើយ
ទំហំអក្សរ
តូច
ធំ
គុនខ្មែរ៖ ថ្មីៗនេះមានការលើកឡើងសារជាថ្មីជុំវិញការប៉ះគ្នារវាងអ្នកប្រដាល់ភូមា ដាវ និងកីឡាករគុនខ្មែរ ព្រំ សំណាង ក្រោយភាគីខាងដាវ បង្ហោះនូវសារបែបឌឺដងដល់ ព្រំ សំណាង ដែលបានធ្វើឲ្យអ្នកប្រដាល់គុនខ្មែររូបនេះ ទ្រាំមិនបាល់ធ្វើការឆ្លើយតបវិញជាមួយនឹងការស្នើសុំប្រកួតគ្នាម្តងទៀត បែបគុនខ្មែរ ៣ទឹក ឬក៏៥ទឹកវិញ ដោយពាក់ហ្គង់។ យ៉ាងណាមិញក្រោយពីការប្រកាសរបស់ពូណាង ភ្លាមៗ ដាវ បានបង្ហោះនូវសារមួយជាមួយនឹងឃ្លឹមសារជាច្រើន បូករួមជាមួយនឹងការព្រមប្រកួតគ្នាម្តងទៀតផងដែរ។ សាររបស់ ដាវ មានអត្ថន័យដូចតទៅ៖ «សូមអានទាំងអស់ឥឡូវនេះសំណាង តើអ្នកកំពុងនិយាយអំពីអ្វី? តើអ្នកកំពុងព្យាយាមធ្វើដូចជាជនរងគ្រោះឬអ្វីផ្សេងមែន? អ្នកនិយាយថា «យល់ព្រម» ប្រយុទ្ធដោយប្រើអំបោះឆៅនៅនាទីចុងក្រោយ នៅពេលដែលការធ្វើបែបនេះត្រូវបានយល់ព្រមតាំងពីជាងពីរខែមុន។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ដំបូងឡើយគឺបានព្រមព្រៀងគ្នារាប់ខែនៅខាងខ្ញុំ។ ខ្ញុំនិយាយទៅអ្នកផ្សព្វផ្សាយថា ខ្ញុំទទួលយកមិនប្រើក្បាលបុកទេ ប៉ុន្តែមានតែរឿងមួយគត់ដែលត្រូវយល់ព្រមគឺខ្ញុំមិនចង់ពាក់ហ្គង់ទេ ខ្ញុំចង់វាយដោយប្រើអំបោះឆៅបែបខ្មែរ ដូច្នេះទើបយើងអាចប្រកួតដូចអ្នកចម្បាំងបុរាណបាន។ ខ្ញុំក៏បានបង្ហោះអំពីវាជាច្រើនដងរួចមកហើយតាមអ៊ីនធឺណិត សូមបញ្ឈប់ការនិយាយកុហក។គួរបញ្ជាក់ផងដែរថា នេះជាលើកទីមួយហើយដែលខ្ញុំបានប្រកួតដោយប្រើអំបោះឆៅបែបគុនខ្មែរបុរាណ ខ្ញុំតែងតែប្រយុទ្ធដោយមិនប្រើអ្វីទាំងអស់នៅមីយ៉ាន់ម៉ា។ មិនមានអ្វី «ក្លាហាន» អំពីអ្នកដែលប្រយុទ្ធដោយប្រើអំបោះឆៅទេ នៅពេលដែលអ្នកពិតជាជើងឯកដោយប្រើអំបោះឆៅ! អ្នកបានប្រកួតជាមួយអ្នកប្រដាល់ថៃ Kard Chuek ជាច្រើនដងហើយថែមទាំងឈ្នះខ្សែក្រវ៉ាត់ទៀតផង! ដូច្នេះឈប់តាំងខ្លួនជាជនរងគ្រោះទៀតទៅ អ្នកគឺជាជើងឯកដោយប្រើអំបោះឆៅ ហើយមានបទពិសោធន៍ច្រើនជាងខ្ញុំ ប៉ុន្តែខ្ញុំនៅតែអាចផ្តួលអ្នកបាន។
បើអ្នកចង់ប្រកួតទៀត ខ្ញុំរីករាយនឹងស្វាគមន៍។ប៉ុន្តែសូមបញ្ជាក់ឲ្យបានច្បាស់ថា៖ គុនខ្មែរពិតប្រាកដគេមិនប្រើហ្គង់ទេ។ តើហ្គង់ជាស្អីអ្វី? ខ្ញុំចង់ធ្វើឲ្យដូនតាមានមោទនភាព មិនមែនដូចនាយកប្រតិបត្តិទូរទស្សន៍ទំនើបមួយចំនួនទេ។ បើយើងប្រកួតគ្នាម្ដងទៀត យើងនឹងប្រកួតគ្នាដោយប្រើអំបោះឆៅបែបគុនខ្មែរ ឬយើងប្រកួតគ្នាដូចឡេតវេ ដោយមិនមានអ្វីទាំងអស់ មានតែស្បែក និងឆ្អឹង។ ចូរជ្រើសរើសទៅ៖ ប៉ុន្តែខ្ញុំគិតថាជម្រើសល្អសម្រាប់អ្នកគឺការប្រកួតបែបគុនខ្មែរបុរាណដោយប្រើអំបោះឆៅ…
ខ្ញុំក៏នឹងត្រឡប់មកកម្ពុជាវិញនៅខែមីនាដើម្បីរៀបចំព្រឹត្តិការណ៍មួយ ហើយការប្រកួតគុនខ្មែរទាំងអស់ក្នុងព្រឹត្តិការណ៍របស់ខ្ញុំនឹងត្រូវប្រកួតដោយប្រើអំបោះឆៅបែបគុនខ្មែរ ហេតុអ្វី?
ព្រោះគុនខ្មែរទាំងអស់ត្រូវប្រកួតគ្នាដោយប្រើអំបោះឆៅ។ គ្មានអាថ៌កំបាំងទេដែល «មួយថៃ» ចម្លងចេញពីគុនខ្មែរ។ មួយថៃជាការប្រកួតគុនខ្មែរបែបថៃ។ ដើមកំណើតគឺមកពីប្រទេសកម្ពុជា។មួយថៃគឺដូចគ្នានឹងគុនខ្មែរដែរ គ្រាន់តែគេចម្លងអ្វីៗគ្រប់យ៉ាង។ ឬហៅថា «មួយកូពី» ព្រោះគេប្រើពាក្យដដែលៗដូចជា៖ គ្រូ, វៃគ្រូ, មានភ្លេងដូចគ្នា ច្បាប់ដូចគ្នា ពាក់ហ្គង់ដូចគ្នា អ្វីៗក៏ដូចគ្នាដែរ ហើយជាអកុសលកម្ពុជាមិនអាចឈ្នះការធ្វើទីផ្សារជាមួយថៃបានទេ។ ពួកគេបានធ្វើទីផ្សារដើម្បីបង្ហាញទៅកាន់ពិភពលោករាប់ទសវត្សរ៍មកហើយ ដូច្នេះតើអ្វីជាយោបល់របស់ខ្ញុំចំពោះសហព័ន្ធគុនខ្មែរ?
ការប្រដាល់គុនខ្មែរតែងតែបង្ហាញតាមរយៈអំបោះឆៅបែបប្រពៃណី អ្វីៗផ្សេងទៀតនៅដដែល ប៉ុន្តែអ្វីដែលធ្វើឱ្យគុនខ្មែរប្លែកនោះគឺអំបោះឆៅ។
ឡេតវេគ្មានហ្គង់ទេ។
មួយថៃប្រើហ្គង់។
គុនខ្មែរប្រើអំបោះឆៅ។
ខ្ញុំសន្យាថា នេះជាវិធីល្អបំផុតក្នុងការធ្វើទីផ្សារ និងបង្ហាញគុនខ្មែរទៅកាន់ពិភពលោក។ នៅពេលនរណាម្នាក់សួរថាតើមានអ្វីប្លែកជាមួយឡេតវេ៖ យើងឆ្លើយថាគ្មានហ្គង់ និងប្រើក្បាល ហើយត្រូវវាយដល់សន្លប់ដើម្បីឈ្នះ។
ពេលជនបរទេសសួរថា «គុនខ្មែរ និង មួយថៃ ខុសគ្នាត្រង់ណា» តើអ្នកឆ្លើយយ៉ាងណា? ខ្ញុំឃើញសំណួរជាច្រើនដូចនេះនៅលើ Reddit ហើយអ្នកដឹងពីអ្វីដែលមនុស្សឆ្លើយទេ? «គុនខ្មែរ គឺមួយថៃតែបែបខ្មែរ” តើពេញចិត្តទេ?
ចម្លើយពិតប្រាកដគឺ៖ «គុនខ្មែរគឺជាទម្រង់ដើម និងបុរាណរបស់មួយថៃ ហើយរហូតមកដល់សព្វថ្ងៃនេះ អ្នកប្រកួតគ្នាដោយប្រើអំបោះឆៅធំៗ។ វាពិតជាប្លែក និងអស្ចារ្យណាស់»។បើក្រឡេកទៅមើលរឿង «Thai Fight Kard Chuek” នេះជាគុនខ្មែរ។ យើងហៅវាថា អំបោះឆៅគុនខ្មែរ»។
បើអ្នកចង់ឱ្យកម្ពុជាល្បីជាងនេះ សូមធ្វើតាមការណែនាំរបស់ខ្ញុំ បើមិនដូច្នេះទេ មនុស្សតែងតែយល់ច្រឡំជាមួយ «មួយថៃ»។ អ្នកចម្បាំងគុនខ្មែរសមនឹងត្រូវបានគេទទួលស្គាល់។
នេះជាការលើកឡើងរបស់ខ្ញុំចំពោះអាជ្ញាធរ រដ្ឋាភិបាល និងសហព័ន្ធគុនខ្មែរ។ ក្នុងកម្មវិធីរបស់ខ្ញុំនៅកម្ពុជា ខ្ញុំនឹងបង្ហាញការប្រកួតគុនខ្មែរតែក្នុងក្បាច់គុនខ្មែរបុរាណប៉ុណ្ណោះ។ នេះជាការសន្យារបស់ខ្ញុំ។ ខ្ញុំអាចប្រកួតជាមួយសំណាងដោយប្រើអំបោះឆៅបែបគុនខ្មែរ 3 ទឹកឬ 5 ទឹក ហើយមួយទឹកមានរយៈពេល 3 នាទី ដោយគ្មានបញ្ហា (មិនប្រើក្បាល) អរគុណសម្រាប់ការគាំទ្រខ្ញុំ ខ្ញុំស្រលាញ់អ្នកគាំទ្រខ្មែរទាំងអស់។
អត្ថបទទាក់ទង
6 months ago .
880 Views
ក្តៅៗ ចាន់ ប៊ុនហឿន និង ហាប់ ខា ត្រូវឡានបុកមុននេះបន្តិច អំឡុងពេលពួកគេរត់ (មានវីដេអូ)
9 months ago .
624 Views
ស្ងាត់..ៗ Dave ប្រកាសបើកហាងកាហ្វេនៅទីក្រុងភ្នំពេញ ដោយចំណាយជាង ៣០០លានរៀល
