(អង់គ្លេស)៖ យោងតាមគេហទំព័រ Football Insider បានឲ្យដឹងថា កីឡាករអន្តរជាតិអាល់បានី Armando Broja គឺជាគោលដៅផ្ទេរសម្រាប់ក្រុម Fulham ដែលកំពុងស្វែងរកនៃការពង្រឹងតំបន់ប្រយុទ្ធរបស់ពួកគេនៅក្នុងទីផ្សារដោះដូរកីឡាករនាខែមករា។ ទោះជាយ៉ាងណាក៏ដោយ ក្រុមតោខៀវ Chelsea មិនមានចេតនាលក់ខ្សែប្រយុទ្ធវ័យ ២២ ឆ្នាំរូបនេះឡើយ លុះត្រាណាក្លឹបរកបានអ្នកជំនួសដ៏សមរម្យម្នាក់។ ជាក់ស្តែង Broja ទើបតែបានជាសះស្បើយពីបញ្ហារងរបួសជង្គង់យ៉ាងធ្ងន់ធ្ងរ ដែលបង្ហាញខ្លួនបានតែ ៧ដងប៉ុណ្ណោះ ដោយរកបាន១គ្រាប់ ហើយជាមួយនឹងការចូលលេងជម្រើស១១នាក់ដំបូងបានតែ ២ លើកប៉ុណ្ណោះ។
គួររំលឹកផងដែរថា Broja ស្ថិតក្រោមកិច្ចសន្យានៅ Stamford Bridge រហូតដល់ខែមិថុនា ឆ្នាំ ២០២៨។ ទន្ទឹមនឹងនេះ កីឡាករ Broja បានស៊ុតបាល់បញ្ចូលទីសរុបចំនួន ៩ គ្រាប់ក្នុងការបង្ហាញខ្លួន ៣៨ លើកអំឡុងពេលខ្ចីជើងនៅ Southampton ក្នុងឆ្នាំ ២០២១-២២៕
ប្រភព៖ sportsmole
(អេស៉្បាញ)៖ ក្លឹបយក្សកាតាឡាន់ Barcelona ត្រូវបានគេរាយការណ៍ថា បានកំណត់អត្តសញ្ញាណចម្បង និងចង់ផ្ទេរយកខ្សែប្រយុទ្ធ Darwin Nunez របស់ក្លឹបហង្សក្រហម Liverpool នៅរដូវក្តៅនេះ ដោយចាត់ទុកថាកីឡាករសញ្ជាតិអ៊ុយរូហ្គាយម្នាក់នេះជាអ្នកជំនួសដ៏ល្អបំផុតមួយសម្រាប់ Robert Lewandowski នេះបើយោងតាមសារព័ត៌មាន The Sun បានចេញផ្សាយ។អត្ថបទកំពុងចាប់អារម្មណ៍៖ អុញនោះ! Man Utd គ្រោងលក់ Maguire ដើម្បីជាថ្នូរដោះដូរខ្សែការពារវ័យជំទង់រូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស យ៉ាងណាមិញ Barcelona ស្ថិតក្រោមសម្ពាធក្នុងការលក់កីឡាករខ្លះនៅរដូវក្តៅនេះ ហើយការចាកចេញរបស់ Lewandowski ជាផលចំណេញដ៏ល្អ ដោយសារតែប្រាក់ខែយ៉ាងច្រើន ដែលក្លឹបត្រូវចំណាយសម្រាប់គាត់។ ស្របពេលជាមួយគ្នានេះ Barcelona មានទំនុកចិត្តខ្ពស់ថាពួកគេនឹងអាចបំពេញតាមតម្លៃដែលស្នើសុំពីសំណាក់ Liverpool សម្រាប់ Nunez បើទោះបីជាមានបញ្ហាហិរញ្ញវត្ថុក៏ដោយ។ ថ្មីៗនេះលោក Xavi ដែលជាគ្រូបង្វឹកក្លឹប Barcelona បច្ចុប្បន្នបានបន្តស្នាក់នៅ និងដឹកនាំក្លឹប១រដូវកាលបន្ថែមទៀត រីឯអនាគតខ្សែប្រយុទ្ធវ័យ ៣៥ឆ្នាំ Lewandowski វិញ […]
