គុនខ្មែរ៖ នៅថ្ងៃទី៣០ខែវិច្ឆិកាឆ្នាំ២០២៣នេះផេកផ្លូវការណ៍របស់ Boostrong បានបង្ហោះនូវ Poster មួយដែលមានរូបអ្នកប្រដាល់លំដាប់កំពូលរបស់ប្រទេសកម្ពុជាទាំងពីររូបគឺ ធឿន ធារ៉ា និង ព្រំ សំណាង ជាមួយនឹងការសរសេរថា៖ «កក្រើកដល់ឋានព្រះឥន្ទហើយ!កំពូលអធិរាជគុនខ្មែរលំដាប់ប្រទេសទាំង២រូប នឹងបង្ហាញខ្លួនលើសង្វៀនប៊ូសស្រ្តង នាថ្ងៃទី១៤ ធ្នូ ២០២៣ ខាងមុខនេះ ទីតាំងខណ្ឌកំបូល រាជធានីភ្នំពេញ។ ប៊ូសស្រ្តងជួយគុនខ្មែរ អ្នកខ្លាំងពូកែ ប៊ូសស្រ្តងឱ្យឡាន!» ។ ក្រោយការបង្ហោះនេះភ្លាមស្រាប់តែពិធីករ UFC ដែលតែងតែមានវត្តមាននៅក្នុងមហាព្រឹត្តិការណ៍ធំៗរបស់គុនខ្មែរគឺលោក Andrew Whitelaw បានបង្ហោះចែកចាយបន្តនៅលើទំព័រ Instagram របស់ខ្លួន ដោយសរសេរថា៖ «ខ្ញុំមិនទាន់ដឹងថានេះជាការពិតឬក៏អត់ឡើយ ប៉ុន្តែការប្រកួតមួយនេះ [ធឿន ធារ៉ា vs ព្រំ សំណាង] ត្រូវតែកើតឡើង ដើម្បីស្វែងរកថា នរណាសាកសមជាស្តេចប្រដាល់គុនខ្មែរនៅក្នុងប្រទេសកម្ពុជានាពេលបច្ចុប្បន្ននេះ»។ ទោះបីជាយ៉ាងណាមិញ ព្រំ​ សំណាង និង ធឿន ធារ៉ា ទំនងមិនជួបគ្នាឡើយ ប៉ុន្តែរូបគេទាំងពីរនាក់អាចនឹងមានវត្តមាននៅលើសង្វៀនតែមួយ និងនៅថ្ងៃតែម្តង ដែលពួកគេអាចគូអមសម្រាប់បេក្ខជនដែលត្រូវវាយដណ្តើមឡាន នៅក្នុងគីឡូណាមួយដែលបានកំណត់៕