(អ៊ីតាលី)៖ ក្លឹប Napoli បានសម្រេចចិត្តតែងតាំងអតីតគ្រូបង្វឹកលោក Walter Mazzarri ជាអ្នកចាត់ការម្តងទៀត ក្រោយបណ្តេញលោក Rudi Garcia ចេញពីតំណែង ដោយដឹកនាំបាន ១៦ ប្រកួតជាមួយនឹងលទ្ធផលបរាជ័យនៅកីឡដ្ឋាន Maradona នៃលីគអ៊ីតាលី Serie A ក្នុងរដូវកាលនេះ។ គាត់ធ្លាប់ដឹកនាំក្រុម Napoli នៅរដូវកាលឆ្នាំ ២០០៩ រហូតដល់ ២០១៣ មុនពេលបញ្ចប់កិច្ចសន្យាទៅដឹកនាំក្រុម Inter Milan ស្ថិតក្នុងលីគជាមួយគ្នានោះ ខណៈកិច្ចសន្យារបស់លោក គឺមានរយៈពេលរហូតដល់បញ្ចប់រដូវកាលនេះ ក្នុងតួនាទីជាអ្នកចាត់ការក្រុម Napoli ម្តងទៀត។
បន្ថែមពីនេះ គាត់មានវ័យ៦២ឆ្នាំ ធ្លាប់បានជួយក្រុម Napoli លើកពាន Coppa Italia ២០១១/១២ និងរងជើងឯកពាន Supercoppa Italiana រួមជាមួយការឈរលេខរៀងទី២ នៃលីគកំពូល Serie A រដូវកាល ២០១២-១៣ ដែលជាចំណាត់ថ្នាក់ខ្ពស់ឈានទៅប្រជែងពាន UEFA Champions League នាពេលនោះ។ ការប្រកួតប្រជែងលីគរដូវកាលនេះក្លឹប Napoli កំពុងស្ថិតក្នុងចំណាត់ថ្នាក់ទី៤ រកបាន២១ពិន្ទុបណ្តោះអាសន្ន ហើយប្រកួតបន្ទាប់នឹងត្រូវប៉ះក្រុមឈរលេខ៥ ក្លឹប Atalanta នៃសប្តាហ៍ទី១៣ ដោយឡែកការសម្រេចបញ្ចប់កិច្ចសន្យាលោក Rudi Garcia គឺក្រោយពេលគាត់ដឹកនាំចាញ់ក្រុមឈរលេខរៀងទី១៧ ក្លឹប Empoli ១-០ ក្នុងកីឡដ្ឋាន Maradona៕
ប្រភព៖ BBC & CNA
ការប្រកួតបាល់ទាត់ពិភពលោក Club World Cup កំពុងតែដំណើរការយ៉ាងរលូនទោះបីមានការរិះគន់លើបញ្ហាអាកាសធាតុក្តី ទោះយ៉ាងណាកីឡាករមកពីក្រុមជម្រើសជាតិអាហ្សង់ទីនកំពុងនាំមុខគេនៅលើការរកគ្រាប់បាល់ខណៈក្រុមរបស់ខ្លួនក៍បានឆ្លងផុតវគ្គជម្រុះចែកពូលផងដែរ។គិតត្រឹមថ្ងៃទី ២៤មិថុនានេះមានគ្រាប់បាល់សរុបចំនួន៩៩គ្រាប់ហើយ ក្នុងនោះ ១៦គ្រាប់រកបានពីកីឡាករឆ្នើមនៃក្រុមជម្រើសជាតិអាហ្សង់ និងនាំមុខប្រេស៊ីល និងបារាំង ដែលពួកគេរកបានសរុបត្រឹមតែ ១០ គ្រាប់ប៉ុណ្ណោះ។ ទោះបីស្ថិតក្នុងវ័យ ៣៧ឆ្នាំទៅហើយក្តី ខ្សែប្រយុទ្ធស្លាបរូបនេះរកបាន ៣គ្រាប់ និង Lautaro Martinez រកបានពីរគ្រាប់ ស្របពេលមិត្តរួមជាតិជាច្រើនរូប រួមមាន Nicolas Otamendi, Rodrigo Battaglia, Enzo Fernandez, Juan Pablo Freytes, Valentin Carboni, Jose Manuel Lopez, Facundo Colidio, Sebastian Driussi, Maxi Mezaរកបានម្នាក់១គ្រាប់ ខណៈ Messi រកបានគ្រាប់បាល់ Free Kick ដ៍ល្អមួយគ្រាប់ផងដែរ។ក្នុងនោះ Claudio Echeverri ដែលបានស៊ុតបាល់ហ្វ្រីឃីកដ៏គួរឱ្យភ្ញាក់ផ្អើលអំឡុងពេល Manchester City […]
