(បរទេស)៖ ខ្សែប្រយុទ្ធ Riyad Mahrez បានបង្ហើបថា គាត់សម្រេចចិត្តចាកចេញពី Manchester City ព្រោះគាត់មានអារម្មណ៍ថាគាត់នឹងមិនអាចមានឱកាសទទួលបានសំណើពីក្លឹប Al-Ahli របស់ Saudi Pro League ម្តងទៀត។ ទោះជាយ៉ាងណាក៏ដោយ គាត់បានចុះហត្ថលេខាជាមួយក្លឹប Al-Ahli ក្នុងកិច្ចព្រមព្រៀង ៣០លានផោនលើកិច្ចសន្យារយៈពេល ៤ ឆ្នាំ។ មិនតែប៉ុណ្ណោះ ការឈ្នះ UEFA Champions League ២០២២/២៣ របស់ Manchester City ខណៈរូបគាត់មិនបានចូលលេង អាចថាដល់ពេលដែលគាត់ត្រូវចាកចេញ ដោយបានចំណាយពេល ៥ ឆ្នាំនៅ Man City និងបានឈ្នះពានរង្វាន់ធំៗចំនួន ១២។ Mahrez បាននិយាយបន្ថែមថា «ខ្ញុំនៅសល់កុងត្រា ២ ឆ្នាំជាមួយ Man City ប៉ុន្តែខ្ញុំមិនអាចស្នាក់នៅបន្តទៀតបាន»។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ទន្ទឹមនឹងនេះដែរ កីឡាករវ័យ៣២ឆ្នាំរូបនេះ ស៊ុតបញ្ចូលទីបាន ៧៨គ្រាប់ និងផ្តល់ Assists ៥៩ដង ក្នុង ២៣៦ប្រកួត។ ជម្រាបដែរថា Mahrez បានចាប់ផ្តើមជីវិតយ៉ាងល្អប្រសើរជាមួយ Al-Ahli ដោយស៊ុតបញ្ចូលទីបាន ៦គ្រាប់ និងបញ្ជូនបាល់ឱ្យមិត្តរួមក្រុមចំនួន ៧ដងក្នុងការប្រកួតចំនួន ១៤លើក៕
ប្រភព៖ sportskeeda
