(អ៊ីតាលី)៖ យោងតាមគេហទំព័រ TuttoJuve.com បានឲ្យដឹងថា ក្រុមសេះបង្កង់ Juventus គ្រោងនឹងខ្ចីជើងខ្សែបម្រើឆ្នើម Thomas Partey របស់ក្រុមកាំភ្លើងធំ Arsenal នាខែមករាខាងមុខ ដើម្បីជំនួស Paul Pogba។ ខ្សែបម្រើហ្គាណាវ័យ ៣០ឆ្នាំរូបនេះ បានរងរបួសជាញឹកញយក្នុងរដូវកាលនេះ ដោយលេងបានត្រឹមតែ ៣៤១ នាទីប៉ុណ្ណោះនៅលើទីលានសម្រាប់ Arsenal ហើយត្រូវបានគេសន្មត់ថាកំពុងពិចារណាផ្លាស់ចេញពីក្លឹប ខណៈកិច្ចសន្យាបច្ចុប្បន្នមានសុពលភាពរហូតដល់ឆ្នាំ ២០២៥។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

បន្ថែមពីនេះ ប្រសិនបើ Partey ចាកចេញ នោះតម្លៃខ្លួនផ្ទេរទៅកាន់ក្លឹបថ្មីប្រហែល ២៦លានផោន ឬស្មើនឹង ៣១.៧លានដុល្លារ។ ទន្ទឹមនឹងនេះ Juventus ទំនងជាមិនទិញផ្តាច់នោះទេ ទើបស្នើសុំ Arsenal ត្រឹមខ្ចីជើងសិន១រដូវកាលសិន៕

ប្រភព៖ GOAL