គុនខ្មែរ៖ ដូចជាបងប្អូនអ្នកគាំទ្រវិស័យកីឡាប្រដាល់គុនខ្មែរបានដឹងថានឹងមានការប្រកួតលំដាប់ពិភពលោកមួយរវាងអ្នកប្រដាល់គុនខ្មែរ ព្រំ សំណាង និង Dave Leduc ខណៈវានឹងមានការប្រកួតបែបប្រវត្តិសាស្ត្រនៃចំណងមិត្តភាពរបស់ប្រទេសទាំងពីរនេះ។ Dave Leduc ត្រូវបានគេរាយការណ៍នឹងមកដល់ព្រះរាជាណាចក្រកម្ពុជា នៅរសៀលម៉ោង១១ថ្ងៃត្រង់នេះ ប្រសិនបើមិនមានប្រែប្រួលអ្វីទេនោះ។ យ៉ាងណាមិញទីតាំងប្រកួតគឺបងប្អូនបានទទួលដំណឹងថា នឹងធ្វើឡើងនៅឯមុខផ្សារទំនើប Chip Mong 271 នេះបើយោងទៅតាមលោក Tommy Kim ដែលជារៀបចំការប្រកួតមួយនេះ ប៉ុន្តែសម្រាប់តម្លៃសំបុត្រទស្សនាគឺលោកមិនបានបញ្ចាក់ទេ។ យ៉ាងណាមិញយោងទៅតាមសម្តីរបស់ MC Vutha ដែលជាផ្នែកមួយនៃការរៀបចំកម្មវិធីដ៏អស្ចារ្យនេះបានបញ្ជាក់ថា បងប្អូននឹងអាចចូលទស្សនាការប្រកួតមួយនេះដោយឥតគិតថ្លៃ ពោលគឺមិនមានការលក់សំបុត្រឡើយ ប៉ុន្តែវានឹងមានអតិភាពសម្រាប់អ្នកបានទៅមុនប៉ុណ្ណោះ៕
