គុនខ្មែរ៖ ដូចដែលបងប្អូនអ្នកគាំទ្រវិស័យប្រដាល់គុនខ្មែរដឹងថាការប្រកួតរវាងស្តេចប្រដាល់មកពីមីយ៉ាន់ម៉ា មានដើមកំណើតនៅប្រទេសកាណាដាកីឡាករ Dave Leduc និងអ្នកប្រដាល់គុនខ្មែរយើង ព្រំ សំណាង គឺមិនមានការអធិប្បាយជាខេមរភាសាឡើយ ដោយនឹងប្រើប្រាស់ភាសាអង់គ្លេសដើម្បីកាន់មានភាពងាយស្រួលក្នុងការផ្សព្វផ្សាយប្រដាល់គុនខ្មែរទៅកាន់ពិភពលោកកាន់តែស្គាល់គុនខ្មែរកាន់តែច្បាស់ជាងមុន។ យ៉ាងណាមិញលោក Tommy Kim ដែលស្ថាបនិក IPCC នៅប្រទេសកម្ពុជាបានប្រកាសការប្រកួតនឹងអធិប្បាយដោយពិធីដែលមកស្ថានប័ន UFC ដោយលោកបានបង្ហោះនៅលើគណនីហ្វេសប៊ុករបស់នៅថ្ងៃទី៣០ខែតុលាឆ្នាំ២០២៣នេះថា៖ «ថ្ងៃនេះ ជាថ្ងៃជាវេលាល្អ ខ្ញុំសូមប្រកាសជាផ្លូវការ ស្វាគមន៍អ្នកអត្ថាធិប្បាយកម្មវិធីពិភពលោក គឺ Mr Andrew Whitelaw និង Mr Christopher Garridor មកចូលរួមធ្វេីអត្ថាធិប្បាយនៅក្នុងកម្មវិធី Wurkz សេនាគុនខ្មែរពិភពលោក នៅថ្ងៃទី5 ខែវិច្ឆិកា ឆ្នាំ2023 វេលាម៉ោង7:00យប់តទៅ។ ស្ថានីយទូរទស្សន៍ថោន នឹងធ្វេីការឡាយ ជាភាសាខ្មែរផង និងភាសាអង់គ្លេសផង ទៅកាន់ពិភពលោក»
