អេស្បាញចង់សម្លឹងរក្សាក្តីសង្ឃឹមរបស់ពួកគេក្នុងការទទួលបានចំណាត់ថ្នាក់កំពូលក្នុងពូល A នៃវគ្គជម្រុះ Euro ២០២៤ នៅពេលពួកគេធ្វើដំណើរទៅកាន់កីឡដ្ឋាន Ullevaal Stadion ក្នុងទីក្រុង Oslo ដើម្បីជួបជាមួយន័រវែសដែលជាម្ចាស់ផ្ទះនៅវេលាម៉ោង១:៤៥នាទីទាបភ្លឺឈានចូលថ្ងៃចន្ទស្អែកនេះ។ជួបគ្នាលើកដំបូងសម្រាប់វគ្គជម្រុះនេះក្នុងនាមជាម្ចាស់ផ្ទះ អេស្បាញបានផ្តួលន័រវេក្នុងលទ្ធផល ៣ទល់និង០ កាលពីប្រាំពីរខែមុន នៅទីក្រុង Malaga ។បច្ចុប្បន្នអេស្បាញឈរនៅលេខរៀងទី២ប្រកួតបាន៥ដងមាន ១២ពិន្ទុ និងមានគម្លាត ៣ពិន្ទុពីក្រុមលេខ១ស្កុតឡេនដែលមិនទាន់ ធានាកៅអី១០០ភាគរយទៅអាឡឺម៉ង់ទេ ក្រោយចាញ់អេស្បាញនៅពាក់កណ្តាលសប្តាហ៏នេះ។សម្រាប់ន័រវេ វិញការប្រកួតនេះសំខាន់ណាស់ព្រោះ៣ពិន្ទុនិងនាំអោយពួកគេឡើងមកឈរនៅលេខរៀទី២លើអេស្បាញវិញ។
១.ប្រវត្តិជួបគ្នា
Norwa បានយកឈ្នះអេស្ប៉ាញតែម្តងគត់ក្នុងការជួបគ្នាចំនួនប្រាំបួនដងរវាងភាគីទាំងពីរ។ វាជាការទទួលជ័យជម្នះ ១-0 ក្នុង
ឆ្នាំ ២០០០នៅ Euro។អេស្ប៉ាញមិនស្គាល់ចាញ់សោះក្នុងការជួបគ្នា៥លើកចុងក្រោយជាមួយន័រវែស ដោយឈ្នះ៤ និងស្មើ១។
២.ពត៌មានក្រុមន័រវេ(ម្ចាស់ផ្ទះ)
ខ្សែប្រយុទ្ធClub Brugge គឺកីលាករ Antonio Nusa ដែលប្តូរចូលជាកីឡាករបម្រុងនិងធ្វើបាន Assist ក្នុងការប្រកួតឈ្នះCyprus ៤ទល់និង០ អាចចាប់ផ្តើមជម្រើសដំបូងដោយចាប់ដៃគូជាមួយ Ola Solbakken សម្រាប់ការប្រកួតនេះ។ ក្រៅពីនោះកីឡាករផ្សេងទៀតមិនមានបញ្ហានោះទេ។
-ជម្រើស១១នាក់ដំបូងអាចនិងចូលលេងNyland; Ryerson, Ajer, Ostigard, Meling; Odegaard, Berge, Aursnes; Sorloth, Haaland, Nusa
-ទម្រង់លេងអាចនិងយកមកប្រើប្រាស់៤-៣-៣
៣.ពត៌មានក្រុមអេស្បាញ(ភ្ញៀវ)
ខ្សែការពារ Barcelona កីឡាករ Alejandro Balde ត្រូវបានដកចេញនៅពាក់កណ្តាលតង់ទី១នៃជ័យជម្នះ ២ទល់និង០ លើស្កុតឡែន ហើយនឹងត្រូវជំនួសដោយ Fran Garcia ។ សម្រាប់ខ្សែប្រយុទ្ធស្លាបGranada កីឡាករវ័យក្មេង Bryan Zaragoza មានឪកាសបង្ហាញខ្លួនលើកដំបូងក្នុងអាជីពសម្រាប់ក្រុមជម្រើសជាតិ។
-ជម្រើស១១នាក់ដំបូងអាចនិងចូលលេងSimon; Navas, Le Normand, Laporte, Garcia; Merino, Rodri, Gavi; Torres, Morata, Zaragoza
-ទម្រង់លេងអាចនិងយកមកប្រើប្រាស់៤-៣-៣
៤.លទ្ធផលទស្សន៍ទាយសម្រាប់ការប្រកួតគូនេះគឺ ន័រវេ ១:៣ អេស្បាញ
ប្រភព:whoscored &sportskeeda&sportsmole
