Wayne Rooney ជៀជាក់ និង បានបេ្តជ្ញាចិត្តដឹកនាំក្លឹប Birmingham City អោយវិលត្រលប់ទៅលេងនៅក្របខណ្ឌ EPL វិញ ។ ការលើកឡើងឡើងបែបនេះគឺបន្ទាប់ពីអតីតប្រធានក្រុមជម្រើសជាតិអង់គ្លេសវ័យ ៣៧ ឆ្នាំត្រូវបានតែងតាំងជាអ្នកចាត់ការថ្មីរបស់ក្លឹបនៅលីកលំដាប់ ទីពីរអង់គ្លេស ក្នុងកិច្ចសន្យារយៈពេល ៣ ឆ្នាំនិង៦ខែកាលពីថ្ងៃពុធ។
Rooney បានបង្ហាញពីចំណាប់អារម្មណ៏រំភើបដែលមានឪកាសវិលត្រលប់មកដឹកនាំក្លឹបនៅស្រុកកំណើត និងបានបញ្ជាក់ប្រាប់យ៉ាងដូច្នេះថាៈខ្ញុំចង់កសាង Birmingham អោយល្អឡើងវិញព្រោះគឺជាក្លឹបដ៏ធំមួយ។យើងមិនអាចឈរនៅទីនេះយូរច្រើនជាង១០ឆ្នាំនោះទេ យើងមានមហិច្ឆតាត្រលប់ទៅលីកលំដាប់កំពូលវិញនៅពេល ខាងមុខ។ការតែងតាំងខ្សែប្រយុទ្ធប្រវត្តិសាស្រ្តរបស់ Man.Utd លោក Rooney គឺជាការតែងតាំងដំបូងដោយម្ចាស់ក្រុមហ៊ុនអាមេរិកថ្មី Shelby Companies Limited (SCL) ដែលបានចូលកាន់តំណែងកាលពីខែកក្កដា និងបានបញ្ចប់ការដឹកនាំរយៈពេល ១៥ ខែរបស់គ្រូបង្វឹក John Eustace កាលពីថ្ងៃចន្ទ។អាចនិយាយបានថាវាជាការវិលត្រឡប់មកកាន់បាល់ទាត់អង់គ្លេសវិញសម្រាប់ Rooney និងជាក្លឹបទីបីក្នុងអាជីពជាគ្រូបង្វឹកក្រោយព្យួរស្បែកជើងពីបាល់ទាត់ បន្ទាប់ពីធ្លាប់ដឹកនាំ Derby County ហើយថ្មីៗចុងក្រោយនេះគឺក្លឹបនៅសហរដ្ឋអាមេរិកគឺ DC United ដែលគាត់បានចាកចេញកាលពីដើមខែតុលានោះ។
Birmingham បច្ចុប្បន្ននៅឈរលេខរៀងទីប្រាំមួយសម្រាប់លីកលំដាប់ទីពីរ ខណៈក្រោយការសម្រាកប្រកួតជម្រុះEuro ២០២៤ កាតព្វកិច្ចរបស់ Rooney និងត្រូវដឹកនាំក្រុមជួបម្ចាស់ផ្ទះ Middlesbrough ដែលគ្រប់គ្រងដោយអតីតមិត្តរួមក្រុមបិសាចក្រហមគឺ Michael Carrick នៅថ្ងៃទី ២១ ខែតុលាខាងមុខនេះ។
ប្រភព:BBC
(អង់គ្លេស)៖ ក្លឹបបិសាចក្រហម Manchester United បានចាប់ផ្តើមបើកការពិភាក្សាជាមួយក្លឹប Getafe លើលក្ខខណ្ឌខ្ចីជើងជាលើកទី២ សម្រាប់ខ្សែប្រយុទ្ធស្លាបដ៏មានសក្តានុពល Mason Greenwood លើកិច្ចព្រមព្រៀងរយៈពេល១ឆ្នាំបន្ថែម សម្រាប់រដូវកាល ២០២៤-២៥ នេះបើយោងតាមសារព័ត៌មាន The Athletic បានចេញផ្សាយនាពេលថ្មីៗនេះ។អត្ថបទកំពុងចាប់អារម្មណ៍៖ អុញនោះ! Man Utd គ្រោងលក់ Maguire ដើម្បីជាថ្នូរដោះដូរខ្សែការពារវ័យជំទង់រូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករសញ្ជាតិអង់គ្លេសវ័យ ២២ឆ្នាំ បានចូលរួមជាមួយក្លឹបអេស្ប៉ាញ Getafe ក្នុងកិច្ចសន្យាខ្ចីជើងរយៈពេល១រដូវកាល កាលពីរដូវក្តៅឆ្នាំមុន។ ទន្ទឹមនឹងនេះដែរ ក្លឹបបិសាចក្រហមចង់លក់ Greenwood នៅចុងរដូវកាលនេះ ជាជាងដាក់ទណ្ឌកម្មឲ្យក្លឹបដទៃខ្ចីជើង។ ជាមួយគ្នានេះ Getafe ទំនងជាមិនបន្តកិច្ចព្រមព្រៀងជាអចិន្ត្រៃយ៍ដល់ Greenwood នោះទេ ខណៈរូបគេអាចស្វែងរកត្រឹមការផ្ទេរទៅកាន់ក្លឹបនៅលីគទី២ អង់គ្លេសប៉ុណ្ណេាះ។ គួរបញ្ជាក់ផងដែរថា Greenwood ស្ថិតនៅក្រោមកិច្ចសន្យាជាមួយបិសាចក្រហមរហូតដល់ខែមិថុនា ឆ្នាំ២០២៥៕ ប្រភព៖ SportsMole
