ខ្សែប្រយុទ្ធ Privat Mbarga វ័យ៣១ឆ្នាំ ទទួលបានសញ្ជាតិខ្មែរជាផ្លូវការណ៍សម្រាប់ការប្រកួតវគ្គជម្រុះ FIFA World Cup 2026 និង AFC ជុំទី១ ។ គួរបញ្ជាក់ថា Privat ធ្លាប់បានលេងឲ្យក្លឹបនៅប្រទេសកម្ពុជាជាច្រើនតាំងពីឆ្នាំ២០១៣ ដ៏ធ្លាប់ឈ្នះស្បែកជើងមាសនៅក្នុងលីគកម្ពុជាពីរដងនៅឆ្នាំ២០១៩ និង២០២០ ។ Privat ក្លាយជាកីឡាករទី២ហើយដែលទទួលបានសញ្ជាតិខ្មែរបន្ទាប់ពីខ្សែបម្រើ Yudai Ogawa ។ យ៉ាងណាមិញបើយោងតាមប្រភពមួយមិនបញ្ចេញឈ្មោះបានបញ្ជាក់ថា មិនត្រឹមតែកីឡាករ២រូបនេះឡើយដែលសហព័ន្ធផ្តល់សញ្ជាតិ ប៉ុន្តែសហព័ន្ធកំពុងមានផែនការវែងឆ្ងាយ ដោយមានពាក្យចរចាមរាមថា នឹងអាចផ្តល់សញ្ជាតិកីឡាករយ៉ាងហោចណាស់៤-៥នាក់បន្ថែមទៀតក្នុងឆ្នាំបន្តបន្ទាប់ ហើយកីឡាករទី៣ដែលនឹងទទួលបានសញ្ជាតិនោះគឺអាចនឹងជាខ្សែការពារឆ្នើមម្នាក់នៅក្នុងក្លឹបភ្នំពេញក្រោន។