(អង់គ្លេស)៖ លោក Gareth Southgate អ្នកចាត់ការទូទៅរបស់ក្រុមជម្រើសជាតិអង់គ្លេសបានកោះហៅខ្សែប្រយុទ្ធ Ollie Watkins របស់ Aston Villa សម្រាប់ការប្រកួតក្នុងខែនេះជាមួយក្រុមអូស្ត្រាលី និង ក្រុមអ៊ីតាលី នៅកីឡដ្ឋាន Wembley ។ Watkins បានបង្ហាញខ្លួនចុងក្រោយសម្រាប់ប្រទេសអង់គ្លេសក្នុងខែមីនា ឆ្នាំ ២០២២ ហើយបានបន្តការចាប់ផ្តើមដ៏គួរឱ្យចាប់អារម្មណ៍របស់គាត់ក្នុងរដូវកាលនេះជាមួយនឹងការស៊ុតបញ្ចូលទីបាន Hat-trick ទល់នឹងក្រុម Brighton កាលពីថ្ងៃសៅរ៍កន្លងទៅ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
អង់គ្លេសនឹងប៉ះអូស្ត្រាលីក្នុងការប្រកួតមិត្តភាពនៅថ្ងៃទី១៣ ខែតុលា ឆ្នាំ២០២៣ និង ជួបជាមួយអ៊ីតាលីក្នុងវគ្គជម្រុះ Euro 2024 នៅថ្ងៃទី១៧ ខែតុលា ឆ្នាំ២០២៣ ខាងមុខ។ ទន្ទឹមនឹងនេះ កីឡាករវ័យ២៧ឆ្នាំ បាននិយាយថា គាត់មិនគិតថាគាត់ «នឹងធ្វើបានទៀតនោះទេ» ដើម្បីទទួលបានការហៅត្រឡប់មកវិញបែបនេះ បន្ទាប់ពីគាត់ស៊ុតបាន ៧គ្រាប់និង assists ៣ដងក្នុង ១១ប្រកួត នារដូវកាលនេះ៕
ប្រភព៖ BBC ចុះផ្សាយថ្ងៃទី០៥ ខែតុលា ឆ្នាំ២០២៣
