(អង់គ្លេស)៖ លោក Francis Lee ជាអតីតខ្សែប្រយុទ្ធក្រុម Manchester City, England, Bolton និង Derby បានទទួលមរណភាពក្នុងអាយុ ៧៩ ឆ្នាំ។ លោក Lee ស៊ុតបញ្ចូលទីបាន ១៤៨គ្រាប់ក្នុងការបង្ហាញខ្លួន ៣៣០ប្រកួត ក្នុងកំឡុងពេលលេងរយៈពេល៨ឆ្នាំនៅ Man City ដោយបានជួយក្លឹបឈ្នះពានរង្វាន់ជាច្រើន រួមទាំងពានរង្វាន់ First Division ចាស់ក្នុងឆ្នាំ១៩៦៨។ គាត់បានចាប់ផ្តើមអាជីពរបស់គាត់នៅ Bolton Wanderers ហើយបានចូលរួមជាមួយ Derby County ដោយបានជួយ Rams ឈ្នះជើងឯកលីកទី២ របស់ពួកគេក្នុងឆ្នាំ១៩៧៥។ បន្ថែមពីនេះ គាត់ស៊ុតបាន១០គ្រាប់ឲ្យជម្រើសជាតិអង់គ្លេសក្នុងនាមជាប្រធានក្រុមដែលលេងក្នុងការប្រកួត ២៧លើក។ ក្រុមមេឃខៀវ Man City បាននិយាយថា «លោក Lee បានស្លាប់នៅព្រឹកថ្ងៃចន្ទ បន្ទាប់ពីការស៊ូទ្រាំនឹងជំងឺមហារីកអស់រយៈពេលជាយូរមកហើយ»។
ជម្រាបដែរថា អ្នករាល់គ្នានៅ Manchester City បានចូលរួមរំលែកទុក្ខដល់មិត្តភក្តិ និងក្រុមគ្រួសាររបស់លោក Francis ក្នុងគ្រាដ៏លំបាកនេះ៕
ប្រភព៖ BBC ចុះផ្សាយថ្ងៃទី០២ ខែតុលា ឆ្នាំ២០២៣
