(អង់គ្លេស)៖ បុរសម្នាក់ឈ្មោះ​ Dale Houghton អាយុ ៣១ឆ្នាំ ត្រូវបានចោទប្រកាន់ពីបទបំពានសណ្តាប់ធ្នាប់សាធារណៈក្នុងមាត្រា 4a បន្ទាប់ពីបង្ហាញរូបភាពក្មេងប្រុស Bradley Lowery អាយុ៦ឆ្នាំ ដែលកើតជម្ងឺមហា​រីក ហើយបានស្លាប់ក្នុងឆ្នាំ២០១៧ ដោយបុរសរូបនេះបានយករូបថតមកប្រើដើម្បី “មើលងាយ” អ្នកគាំទ្រ Sunderland។ ប៉ូលីស South Yorkshire ថា Houghton ត្រូវបានឃុំខ្លួននៅក្នុងមន្ទីរឃុំឃាំង មុនពេលនៃសវនាការនៅតុលាការ Sheffield Magistrates បើកដំណើរការ ហើយគាត់​នឹងត្រូវបង្ហាញ​ខ្លួន​ក្នុង​តុលាការនា​ថ្ងៃ​ចន្ទនេះ។

បន្ថែមពីនេះ Bradley គឺជាក្មេងផ្តល់សំណាងល្អសម្រាប់ក្រុម Sunderland ហើយនៅប៉ុន្មានខែមុនពេលគាត់ស្លាប់ គាត់បានដឹកនាំប្រទេសអង់គ្លេសនៅ Wembley ជាមួយនឹងវីរបុរសរបស់គាត់គឺអតីតខ្សែប្រយុទ្ធឆ្មាខ្មៅ Jermain Defoe ៕

ប្រភពព័ត៌មាន៖

• The Sun ចុះផ្សាយថ្ងៃទី០១ ខែតុលា ឆ្នាំ២០២៣
• BBC ចុះផ្សាយថ្ងៃទី០២ ខែតុលា ឆ្នាំ២០២៣