(អង់គ្លេស)៖ គ្រូបង្វឹកលោក Erik Ten Hag ថាមិនមានការសោកស្តាយចំពោះការខកខានក្នុងការចុះហត្ថលេខាលើ Harry Kane នោះឡើយ។ ខណៈពេលដែលអ្នកសារព័ត៌មានចោទសួរទៅលោកអំពី Kane ស្រាប់តែគាត់(Ten Hag) បានឆ្លើយតបថា៖

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

• «ទេ​! ខ្ញុំរីករាយ និងពេញចិត្ត Rasmus»។
• «សម្រាប់ការប្រកួតដំបូង គាត់(Rasmus)បានរងរបួស។ គាត់បានចូលលេងជាមួយក្រុម Arsenal ហើយឥឡូវនេះពួកយើងនឹងដាក់បញ្ចូលរូបគាត់ទៅក្នុងក្រុម»។
• «អ្នកអាចមើលឃើញថាគាត់មានទេពកោសល្យដ៏អស្ចារ្យ»។

គួររំលឹកផងដែរថា​ ក្លឹប Man Utd បានដាក់គោលដៅទី១លើការផ្ទេរ Kane តាំងពីដើមរដូវក្តៅ។ ខ្សែប្រយុទ្ធវ័យ ៣០ឆ្នាំរូបនេះបានបញ្ចប់ការចាកចេញពី Tottenham ទៅក្រុម Bayern Munich ដែលជាគូប្រជែងក្នុងក្របខ័ណ្ឌ Champions League ក្នុងតម្លៃ ១០៤លានផោន។ បន្ទាប់ពីបរាជ័យលើ Kane ក្លឹបបិសាចក្រហមបាននាំយកកីឡាករ Rasmus Hojland វ័យ២០ឆ្នាំ ក្នុងតម្លៃដំបូង ៦៤លានផោន។

លើសពីនេះទៀត United រកបានតែ ៦គ្រាប់ប៉ុណ្ណោះក្នុង ៥ ប្រកួតនៅ Premiere League ២០២៣/២៤ ខណៈ Kane ស៊ុតបាន ៤ គ្រាប់ក្នុង ៤ប្រកួត នៅលីគអាល្លឺម៉ង់ Bundesliga៕

ប្រភព៖ The Sun ចុះផ្សាយថ្ងៃទី១១៩ ខែកញ្ញា ឆ្នាំ២០២៣