គ្រូបង្វឹកក្រុមបិសាចក្រហម Man. United លោក Erik ten Hag បានបញ្ជាក់ថារូបលោកនៅមិនទាន់ដឹងច្បាស់នៅឡើយនោះទេថាតើ Jadon Sancho នឹងបន្តលេងឱ្យក្លឹបសាជាថ្មីម្តងទៀតឬអត់នោះឡើ់យ។ ប៉ុន្តែបើយោងប្រភពគេហទំព័រ Sky Sports កាលពីថ្ងៃសុក្របានចុះផ្សាយថា ខ្សែ បម្រើអន្តរជាតិ អង់គ្លេសនិងមានឪកាសចូលមកហ្វឹកហាត់ជាមួយក្រុមឈុតដំបូងដើម្បីអាចចូលលេងក្នុងក្រុមឈុតធំបានវិញប្រសិនជារូបគេធ្វើការសុំទោសគ្រូបង្វឹក បើទោះបីជាSancho បានលុបសំណេររិះគន់នោះវិញហើយក៏ដោយចុះ។
គួររំលឹកថាខ្សែបម្រើស្លាបវ័យ ២៣ ឆ្នាំកំពុងហ្វឹកហាត់ដាច់ដោយឡែកពីក្រុមជម្រើទី១ បន្ទាប់ពីរូបគេបានសរសេររិះគន់គ្រូបង្វឹកលោក Ten Hag ដែលមិនបានដាក់អោយខ្លួនចូលលេងក្នុងជំនួបចាញ់ Arsenal កាលពីថ្ងៃទី ៣ ខែកញ្ញាកន្លងទៅ ក្រោមហេតុផលថា Sancho មិនបាន ហ្វឹក ហាត់ គ្រប់តាមស្តង់ដារ ដែលក្រុម និង រូបលោកចង់បាននោះ។ឆ្លើយតបបញ្ហានេះផងដែរអ្នកចាត់ការសញ្ជាតិហូឡង់បានបំភ្លឺថាៈ ខ្ញុំមិនប្រាកដទេ ទាក់ ទងរឿងរ៉ាវរបស់ Sancho ។ហើយថ្ងៃសៅរ៏យើងមានការប្រកួតប្រជេងដ៏ធំ មួយជាមួយភ្ញៀវ Brighton រឿងផ្សេងខ្ញុំមិនដឹងឡើយ ព្រោះខ្ញុំ និងក្រុមកំពុងផ្តោតលើការប្រកួតដ៏សំខាន់នៅចំពោះមុខមួយនេះជាជាងដោះស្រាយ រឿងផ្សេងទាំងអស់។
