(អង់គ្លេស)៖ ខ្សែការពារកណ្តាលវ័យ៣០ឆ្នាំ Harry Maguire បានប្រឈមមុខនឹងការរិះគន់យ៉ាងខ្លាំងក្នុងរយៈពេលមួយឆ្នាំចុងក្រោយនេះ ដោយបានបាត់បង់តំណែងនៅជម្រើស១១នាក់ដំបូងឲ្យក្រុមបិសាចក្រហម Manchester United ដោយសារតែការបង្កកំហុសឆ្គងជាញឹកញយ។ ស្រាប់តែថ្មីៗនេះ ម្តាយរបស់លោកមានឈ្មោះ Zoe បានបង្ហោះសារនៅលើបណ្តាញសង្គម Instagram របស់គាត់ថា៖

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

• «ក្នុងនាមជាម្តាយមួយរូបពេលឃើញ អ្នកគាំទ្រ ប្រព័ន្ធផ្សព្វផ្សាយ មួយចំនួនធំ នៅតែបន្តការបញ្ចេញមតិរិះគន់អវិជ្ជមានខ្លាំងៗ មកលើកូនប្រុសបែបនេះ គឺជាការអាម៉ាស់ និងមិនអាចទទួលយកបានឡើយ»។
• «អ្វីដែលបានកើតឡើងមកលើកូនប្រុសខ្ញុំ គឺពិតជាហួសហេតុ និងលើសពីអ្វីដែលហៅថាបាល់ទាត់»។
• «ខ្ញុំបានឃើញពីអ្វីដែលកូនខ្ញុំកំពុងស៊ូទ្រាំអត់ធ្មត់ និងឆ្លងកាត់ ដោយមិនបានឆ្លើយតបអ្វីទាំងអស់»។
• «Harry មានបេះដូងធំ ហើយមានស្មារតីរឹងមាំ ដែលអាចដោះស្រាយបញ្ហាផ្លូវចិត្ត ដែលអ្នកផ្សេងពិបាកនិងធ្វើបាន»៕

ប្រភព៖ sportsmole.co.uk