(អ៊ីតាលី)៖ ក្លឹបសេះបង្កង់ Juventus បន្តចាប់អារម្មណ៍លើខ្សែបម្រើ Thomas Partey របស់ក្រុម Arsenal ចំពេលមានភាពមិនច្បាស់លាស់អំពីអនាគតរបស់ Paul Pogba។ Pogba ត្រូវបានផ្អាកពីបាល់ទាត់បណ្តោះអាសន្ន បន្ទាប់ពីធ្វើតេស្តឃើញវិជ្ជមានចំពោះអ័រម៉ូនតេស្តូស្តេរ៉ូន(សារធាតុញៀនក្នុងខ្លួន)។ យោងតាមប្រភព The Sun បានអះអាងថា Partey នឹងជាជម្រើសដ៏មានសក្តានុពលក្នុងការជំនួសតំបន់ដែល Pogba លេងបច្ចុប្បន្ន។ Partey ត្រូវបានផ្សារភ្ជាប់ជាមួយនឹងការផ្លាស់ប្តូរដែលអាចផ្ទេរទៅកាន់ទីក្រុង Turin ក្នុងអំឡុងពេលទីផ្សារដោះដូរកីឡាករ។ កីឡាករវ័យ៣០ឆ្នាំរូបនេះ នឹងបើកផ្លូវក្នុងការចូលរួមជាមួយ Juventus ផ្ទុយពីការចង់បាននូវកញ្ចប់ទឹកប្រាក់ដ៏ធំសម្បើមពីអារ៉ាប៊ីសាអូឌីត។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
លើសពីនេះទៅទៀតចាប់តាំងពីផ្លាស់ទៅកីឡដ្ឋាន Emirates ពី Atletico Madrid នៅរដូវក្តៅឆ្នាំ ២០២០ ខ្សែបម្រើ Partey បានបង្ហាញខ្លួន ១០៣ប្រកួតឱ្យ Arsenal នៅគ្រប់ការប្រកួតទាំងអស់ ហើយបានក្លាយជាកីឡាករនៅជម្រើស១១នាក់ដំបូងទៀងទាត់ក្រោមការដឹកនាំរបស់គ្រូបង្វឹកលោក Mikel Arteta៕
ប្រភព៖ sportsmole.co.uk
