អ្នកឈ្នះពានរង្វាន់ Ballon d’Or ឆ្នាំ ២០២៣ នឹងត្រូវប្រកាសនៅថ្ងៃទី ៣០ខែតុលា ឆ្នាំ២០២៣ នៅទីក្រុងប៉ារីស។

បញ្ជីឈ្មោះកីឡាករចំនួន ៣០នាក់ ក្នុងពានរង្វាន់ Ballon d’Or ឆ្នាំ ២០២៣ ត្រូវបានប្រកាសកាលពីថ្ងៃពុធ ប៉ុន្តែមានការអវត្តមានកីឡាករ៤រូប ដែលគួរឱ្យកត់សម្គាល់៖

១. កីឡាករ Marcus Rashford វ័យ២៥ឆ្នាំ គឺជាខ្សែប្រយុទ្ធស្លាបរបស់ក្លឹបបិសាចក្រហម Manchester United បើទោះបីជាស៊ុតបញ្ចូលទីបាន៣០គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបាន១១គ្រាប់ក៏ដោយ។

២. កីឡាករ Enzo Fernandez របស់ក្លឹបតោខៀវ Chelsea ក៏ត្រូវបានដកចេញបញ្ជីផងដែរ ទោះបីជាគាត់បានឈ្នះពានរង្វាន់កីឡាករវ័យក្មេងល្អបំផុតនៅ World Cup កាលពីឆ្នាំមុនក្តី។

៣. កីឡាករ Rafael Leao របស់ក្លឹបយក្សអ៊ីតាលី AC Milan ខណៈដែលបានស៊ុតបញ្ចូលទី ១៦គ្រាប់នៅក្នុងការប្រកួតទាំងអស់សម្រាប់ AC Milan។

៤. កីឡាករសញ្ជាតិអ៊ុយរូហ្គាយ Fede Valverde របស់ក្លឹបអធិរាជស Real Madrid ដោយស៊ុតបញ្ចូលទីបាន ១២គ្រាប់ ហើយបានដើរតួជាខ្សែបម្រើកណ្តាលយ៉ាងសំខាន់សម្រាប់ក្លឹបយក្សអេស្ប៉ាញកាលពីរដូវកាលមុន។

ប្រភពព័ត៌មានចុះផ្សាយថ្ងៃទី០៧ ខែកញ្ញា ឆ្នាំ២០២៣៖ sportbible.com