Bayern Munich បានបង្ហាញពីការចាប់អារម្មណ៍ចុះហត្ថលេខាខ្សែបម្រើស្លាប Jadon Sancho ទៅកាន់ទឹកដី Allianz Arena កំលុងពេលទីផ្សារ ដោះដូរកីឡាករនិងបើកជាលើកទីពីរនៅខែមករា ២០២៤ខាងមុខ។គួរកត់សម្គាល់ថា កីឡាករអន្តរជាតិ អង់គ្លេសវ័យ២៣ឆ្នាំមិនត្រូវបានគ្រូបង្វឹកលោក Erik Ten Hag ដាក់អោយរូបគេចូលលេង កំលុងពេលបិសាចក្រហម Man United ប្រកួតចាញ់ក្រុម Arsenal ក្នុងលទ្ធផល ៣ ទល់និង ១ ក្រោមហេតុផលថាអតីតកីឡាករ Man.City និង Dortmund មិនបានហ្វឹកហាត់អោយបានគ្រប់គ្រាន់ និង ត្រឹមត្រូវតាមស្តង់ដារដែលរូបលោកចង់បាន។Sancho ក៏បានឆ្លើយតបទៅ កាន់គ្រូបង្វឹកសញ្ជាតិហូឡង់នៅលើ ប្រព័ន្ធផ្សព្វផ្សាយសង្គមថាខ្លួនបានហ្វឹកហាត់ និង ត្រៀមបញ្ចេញសមត្ថភាពជួយក្លឹបតែត្រូវបានរូបលោកទុកចោលមិនអើពើទៅវិញ។
Sancho បានផ្លាស់មកកាន់ទឹកដីអង់គ្លេសក្នុងឆ្នាំ ២០២១ ក្នុងតម្លៃ ៧៣ លានផោននិងបង្ហាញខ្លួនបាន ៨២ ប្រកួតឱ្យ Man Utd ដោយស៊ុតបញ្ចូលទីបាន ១២ គ្រាប់ក្នុងរយៈពេល ២ ឆ្នាំកន្លងទៅនេះ។លទ្ធផលនៃការចូលលេងមិន ទៀងទាត់បាន ធ្វើអោយ Sancho មិនត្រូវបានអង់គ្លេសកោះហៅតាំងពីខែវិច្ឆិកា ឆ្នាំ ២០២១មកម្លេះព្រមជាមួយអវត្តមាន World Cup ឆ្នាំ ២០២២ នៅប្រទេសកាតា។ក្រោយបញ្ចប់ការប្រកួតលក្ខណៈអន្តរជាតិ Man.Utd និងត្រូវបើទ្វារទទួលក្រុមសត្វរំណពែរ Brighton & Hove Albion នៅទឹកដី Old Trafford នៅថ្ងៃទី១៦ ខែកញ្ញា ខាងមុខ។
ប្រភព:sportsmole
បរទេសៈ Arsenal ត្រូវបានគេរាយការណ៍ថាកំពុងសម្លឹងមើលរកខ្សែបម្រើថ្មីម្នាក់ដើម្បីមកជំនួសកន្លែងរបស់ខ្សែបម្រើឆ្នើមMartin Odegaard ក្រោយប៉ុន្មានប្រកួតចុងក្រោយហាក់បីធ្លាក់ទម្រង់ខ្លាំង។អត្ថបទកំពុងចាប់អារម្មណ៍៖ ភ្នំពេញក្រោន ប្រកាសផ្លាស់ប្តូរពេលវេលាប្រកួត ទល់ វិសាខា ជាការគោរពដល់គូប្រកួតដែលទើបបាត់បង់មនុស្សជាទីស្រឡាញ់ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ទោះបីជាបានឈានទៅដល់វគ្គពាក់កណ្តាលផ្តាច់ព្រ័ត្រពានរង្វាន់ Uefa Champions League ក៏ពិតមែន ប៉ុន្តែពួកគេបានភ្លាត់ធ្វើឲ្យរបូតពិន្ទុជាច្រើនក្នុងក្របខណ្ឌ Premier League ដែលបានធ្វើឲ្យក្រុម Liverpool នាំមុខរហូតដល់ទៅ១៣ពិន្ទុ ដែលនេះអាចជារដូវកាលទី៣ហើយដែល Arsenal នឹងត្រូវបញ្ចប់នៅចំណាត់ថ្នាក់លេខ២ជាប់ៗគ្នា។ Odegaard ដែលបានអវត្តមាន២ខែកាលពីដើមរដូវកាលនេះដោយសារតែបញ្ហារបួសជង្គង់ហាក់ធ្លាក់ទម្រង់លេងជាខ្លាំងក្រោយត្រលប់ចូលរួមជាមួយនឹងក្រុមវិញ ជាពិសេសវាបានធ្វើឲ្យប៉ះពាល់ដល់តំបន់ការពារជាខ្លាំងថែមទៀតផង។ ក្នុងរដូវកាលនេះ Odegaard ទើបតែអាចរកបាន២គ្រាប់ និង ៥ Assist ប៉ុន្មាន បើធៀបរដូវកាលមុនរូបគេអាចរកបានដល់ទៅ៨គ្រាប់ និង ១០ Assists ។ បច្ចុប្បន្នក្រុមយក្សមួយនេះកំពុងសិក្សាអំពីស្ថានភាពកាយសម្បទារបស់ Odegaard ដែលវាអាចបន្តជះឥទ្ធិពលខ្លាំដល់ក្រុមទាំងមូល ខណៈក្លឹបក៏កំពុងពិចារណាក្នុងនាំខ្សែបម្រើថ្មីផងដែរ៕
