(អារ៉ាប៊ីសាអូឌីត)៖ ខ្សែប្រយុទ្ធស្លាបក្លឹប Everton កីឡាករ Demarai Gray កំពុងស្ថិតក្នុងការពិភាក្សាកម្រិតខ្ពស់ ដើម្បីចូលរួមជាមួយក្រុម Al-Ettifaq របស់ Saudi Arabia Pro League។ Gray អាយុ ២៧ឆ្នាំហាក់បីដូចជារិះគន់អ្នកចាត់ការទូទៅលោក Sean Dyche នៅលើប្រព័ន្ធផ្សព្វផ្សាយសង្គម បន្ទាប់ពីការផ្លាស់ប្តូរបរាជ័យទៅក្រុម Fulham។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
- Grey មិនទាន់បានលេងឱ្យ Everton នៅរដូវកាលនេះទេ ហើយត្រូវបានផ្សារភ្ជាប់ជាមួយនឹងការផ្ទេរទៅកាន់ក្រុម Besiktas របស់ប្រទេសទួរគី។
- កីឡាករសញ្ជាតិហ្សាម៉ាអ៊ីករូបនេះ បានស៊ុតបញ្ចូលទីបាន ៩គ្រាប់ក្នុងការបង្ហាញខ្លួន ៦៧ប្រកួតនៅ Premier League ចាប់តាំងពីបានមកដល់ Goodison ក្នុងឆ្នាំ ២០២១ បន្ទាប់ពីមានពេលខ្លីជាមួយ Bayer Leverkusen ហើយបានចំណាយពេល ៦រដូវកាលនៅ Leicester City ។
- Gray បានសរសេរនៅលើ Instagram របស់ខ្លួនកាលពីថ្ងៃអាទិត្យថា «អ្នកគាំទ្រ Everton តែងតែអស្ចារ្យជាមួយខ្ញុំ ប៉ុន្តែវាពិបាកណាស់ក្នុងការលេងសម្រាប់អ្នកដែលមិនបង្ហាញការគោរពចំពោះយើង»។
ក្លឹប Al-Ettifaq ត្រូវបានគ្រប់គ្រងដោយអតីតប្រធានក្រុម Liverpool លោក Steven Gerrard ហើយរហូតមកដល់ពេលនេះបានចុះហត្ថលេខាលើខ្សែបម្រើអង់គ្លេស Jordan Henderson អតីតខ្សែបម្រើ Liverpool កីឡាករ Georginio Wijnaldum ខ្សែការពារស្កុតឡែន Jack Hendry និងអតីតខ្សែប្រយុទ្ធ Lyon Moussa Dembele ។ គួរជម្រាបផងដែរថា លោក Dyche បានឆ្លើយតបចំពោះការផ្ទេរ Grey ថាកំពុងពិភាក្សាកម្រិតខ្ពស់លើលទ្ធភាពនៃការផ្ទេរនេះ ដែលអាចនឹងនៅមុនថ្ងៃបិទបញ្ចប់ដោះដូរកីឡាករ៕
ប្រភព៖ BBC ចុះផ្សាយថ្ងៃទី០៧ ខែកញ្ញា ឆ្នាំ២០២៣
