លោកគ្រូ Xavi យល់ព្រមបន្តកុងត្រាថ្មីជាមួយ Barca រហូតដល់ឆ្នាំ២០២៦

ទំហំអក្សរ

តូច

ធំ

(អេស៉្បាញ)៖ លោកគ្រូ Xavi ជិតដល់ឆ្នាំចុងក្រោយនៃកិច្ចសន្យារបស់គាត់ហើយ ដោយបានចុះហត្ថលេខាលើកិច្ចសន្យារយៈពេល ៣រដូវកាល នៅពេលដែលគាត់ចូលកាន់តំណែងជាគ្រូបង្វឹកនៅឆ្នាំ ២០២១។ យោងតាមប្រភព Marca អតីតខ្សែបម្រើអេស្ប៉ាញ និងក្លឹបអ្នកមានបុណ្យ Barcelona បានយល់ព្រមរួចរាល់ ក្នុងការចុះហត្ថលេខាលើកិច្ចសន្យាថ្មីដែលនឹងរក្សាគាត់ឲ្យកាន់តំណែងរហូតដល់ឆ្នាំ ២០២៦។ អតីតកីឡាករវ័យ៤៣ឆ្នាំ រូបនេះបានដឹកនាំក្រុម Barcelona ឱ្យឈ្នះពានរង្វាន់លីគអេស្ប៉ាញកាលពីរដូវកាលមុន ខណៈដែលក្រុមរបស់គាត់បានបញ្ចប់ ១០ ពិន្ទុដាច់ពីគូប្រកួតប្រជែងអធិរាជស Real Madrid។ ក្រុម Catalan កំពុងតែចាប់ផ្តើមយ៉ាងរឹងមាំក្នុងរដូវកាលនេះផងដែរ ដោយបានឈ្នះបីប្រកួត និងស្មើមួយប្រកួតក្នុងចំណោមការប្រកួត La Liga ៤លើកដំបូងរបស់ពួកគេ ដោយតាមពីក្រោយក្រុម Real Madrid ចំនួនពីរពិន្ទុ។ កិច្ចសន្យាថ្មីរបស់គ្រូបង្វឹកទំនងជានឹងត្រូវប្រកាសក្នុងពេលឆាប់ៗនេះ។ គាត់នឹងធ្វើការជាមួយសមាជិកនៃក្រុមរបស់គាត់មុនពេលក្រុមត្រលប់ទៅការប្រកួត La Liga ជាមួយនឹងក្រុម Real Betis នៅថ្ងៃទី១៦ ខែកញ្ញា ឆ្នាំ២០២៣៕

អត្ថបទកំពុងចាប់អារម្មណ៍៖ បញ្ជីឈ្មោះជម្រើសជាតិត្រូវបានបង្ហាញ ខណៈអ្នកគាំទ្រចោទសួររកខ្សែប្រយុទ្ធឆ្នើមម្នាក់

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

Xavi