(អង់គ្លេស)៖ ប្រធានក្រុមក្លឹបយក្សអាល្លឺម៉ង់ Bayern Munich កីឡាករ Manuel Neuer បានត្រលប់មកហ្វឹកហាត់ក្នុងក្រុមវិញ បន្ទាប់ពីបាក់ជើងក្នុងគ្រោះថ្នាក់ជិះស្គី អស់រយៈពេល១០ខែ។ កីឡាករសញ្ជាតិអាល្លឺម៉ង់វ័យ ៣៧ឆ្នាំរូបនេះ បានចូលរួមវឹកហាត់សមយុទ្ធអ្នកចាំទីជាមួយអ្នកចាំទីពីរនាក់ផ្សេងទៀតរបស់ Bayern កាលពីថ្ងៃព្រហស្បតិ៍។ Neuer បានឈ្នះជើងឯក Bundesliga ១១ដង។ Neuer បាននិយាយថា៖ «វាជាអារម្មណ៍ដ៏អស្ចារ្យមួយដែលបានត្រលប់មកលើទីលានវិញជាមួយនឹងមិត្តរួមក្រុមរបស់ខ្ញុំ»។ បន្ថែមពីនេះ Neuer បានឈ្នះពានរង្វាន់ UCL ពីរដង និងជាម្ចាស់ជើងឯក World Cup ឆ្នាំ២០១៤ ផងដែរ៕
ប្រភព៖ BBC ចុះផ្សាយថ្ងៃទី២៨ ខែកញ្ញា ឆ្នាំ២០២៣
(អង់គ្លេស)៖ ក្លឹបបិសាចក្រហម Manchester United បានចាប់ផ្តើមបើកការពិភាក្សាជាមួយក្លឹប Getafe លើលក្ខខណ្ឌខ្ចីជើងជាលើកទី២ សម្រាប់ខ្សែប្រយុទ្ធស្លាបដ៏មានសក្តានុពល Mason Greenwood លើកិច្ចព្រមព្រៀងរយៈពេល១ឆ្នាំបន្ថែម សម្រាប់រដូវកាល ២០២៤-២៥ នេះបើយោងតាមសារព័ត៌មាន The Athletic បានចេញផ្សាយនាពេលថ្មីៗនេះ។អត្ថបទកំពុងចាប់អារម្មណ៍៖ Sporting Lisbon គ្រងជើងឯកលីកកំពូលព័រទុយហ្គាល់ក្រោយម្ចាស់ជើងឯកចាស់បរាជ័យក្រៅទឹកដី (មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា កីឡាករសញ្ជាតិអង់គ្លេសវ័យ ២២ឆ្នាំ បានចូលរួមជាមួយក្លឹបអេស្ប៉ាញ Getafe ក្នុងកិច្ចសន្យាខ្ចីជើងរយៈពេល១រដូវកាល កាលពីរដូវក្តៅឆ្នាំមុន។ ទន្ទឹមនឹងនេះដែរ ក្លឹបបិសាចក្រហមចង់លក់ Greenwood នៅចុងរដូវកាលនេះ ជាជាងដាក់ទណ្ឌកម្មឲ្យក្លឹបដទៃខ្ចីជើង។ ជាមួយគ្នានេះ Getafe ទំនងជាមិនបន្តកិច្ចព្រមព្រៀងជាអចិន្ត្រៃយ៍ដល់ Greenwood នោះទេ ខណៈរូបគេអាចស្វែងរកត្រឹមការផ្ទេរទៅកាន់ក្លឹបនៅលីគទី២ អង់គ្លេសប៉ុណ្ណេាះ។ គួរបញ្ជាក់ផងដែរថា Greenwood ស្ថិតនៅក្រោមកិច្ចសន្យាជាមួយបិសាចក្រហមរហូតដល់ខែមិថុនា ឆ្នាំ២០២៥៕ ប្រភព៖ SportsMole