បរទេស៖ ក្លឹបបាល់ទាត់ Newcastle United បានបង្ហាញវត្តមានរបស់ពួកគេក្នុងការប្រកួត UEFA Champions League ជាលើកដំបូងក្នុងរយៈពេល២០ឆ្នាំ កាលពីយប់មិញទល់នឹងក្រុម AC Milan ខណៈអ្នកគាំទ្រមើលឃើញការផ្លាស់ប្តូរ និងកែច្នៃអាវដើម្បីឲ្យស្រប់ទៅតាមច្បាប់នៃ UEFA ។

ដូចជាអ្នកទាំងអស់គ្នាបានឃើញរូបភាពខាងលើ​ជាទូទៅឯកសណ្ឋានរបស់ក្លឹប Newcastle United ដែលបានពាក់ និងប្រើប្រាស់នៅក្របខណ្ឌ Premier league គឺមានឆ្នូតកាត់ជាប់ជាមួយនឹងលខតែម្តង ប៉ុន្តែសម្រាប់ការប្រកួតកាលពីយប់មិញគេបានប្រទះឃើញថា មានការកែច្នៃផ្នែកមួយនេះ ដោយផ្ទាំងខាងក្រោយនៃឯកសណ្ឋានត្រូវកែឲ្យទៅជាព័ណ៍សលាតតែម្តង ដើម្បីបង្ហាញលេខសម្គាល់របស់កីឡាករឲ្យកាន់តែច្បាស់។