(រីយ៉ាដ)៖ ខ្សែបម្រើស្លាបសញ្ជាតិអាល់ហ្សេរី Riyad Mahrez បានចូលរួមជាមួយក្លិបអារ៉ាប៊ីសាអូឌីត Al-Ahli ដោយផ្ទេរមកពីក្លឹបអង់គ្លេស Manchester City លើកិច្ចព្រមព្រៀងរហូតដល់ឆ្នាំ២០២៧។ នេះបើតាមក្លឹបទាំងពីរបានប្រកាស ហើយត្រូវបានចុះផ្សាយដោយសារព័ត៌មាន CNA នៅថ្ងៃទី២៩ ខែកក្កដា ឆ្នាំ២០២៣។ ព័ត៌មានលម្អិតស្តីពីហិរញ្ញវត្ថុ មិនត្រូវបានបង្ហាញនោះទេ ប៉ុន្តែប្រព័ន្ធផ្សព្វផ្សាយអង់គ្លេសបានរាយការណ៍ថា ក្លឹបជើងឯក Premier League រដូវកាលមុនបានទទួលយកការផ្តល់ឲ្យពីក្លឹបអារ៉ាប៊ីសាអូឌីត ជាមួយនឹងតម្លៃ ៣៥លានអឺរ៉ូ ឬស្មើនិង ៣៨.៥៣លានដុល្លារ បូកនឹង ៥លានអឺរ៉ូ ជាប្រាក់បន្ថែម។
Mahrez រកគ្រាប់បាល់បាន ៧៨គ្រាប់ និងបញ្ជូនបាន ៥៩គ្រាប់ ក្នុងការបង្ហាញខ្លួន ២៣៦លើក ក្នុងការប្រកួតទាំងអស់ជាមួយមេឃខៀវ Man City និងបានឈ្នះពានរង្វាន់ចំនួន ១១ទៀតផង ក្នុងនោះរួមទាំងពានរង្វាន់ Premier League ចំនួន ៥លើកផងដែរ បន្ទាប់ពីបានផ្លាស់មកពីក្លឹប Leicester City ក្នុងឆ្នាំ២០១៨។ កីឡាករវ័យ ៣២ឆ្នាំរូបនេះ កាលពីឆ្នាំមុនបានបន្តកិច្ចសន្យាថ្មីជាមួយ Man City រហូតដល់ឆ្នាំ២០២៥។ លីគកំពូលអារ៉ាប៊ីសាអូឌីត Saudi Pro បានក្លាយជាគោលដៅដ៏ទាក់ទាញ សម្រាប់កីឡាករមានមូលដ្ឋាននៅអឺរ៉ុប ចាប់តាំងពីកីឡាករ Cristiano Ronaldo បានផ្លាស់ទៅលេងឲ្យក្លឹប Al Nassr កាលពីខែមករាដើមឆ្នាំនេះ៕
លោក Carlo Ancelotti គ្រូបង្វឹកក្រុម Real Madrid បានលើកឡើងប្រកបដោយទំនុកចិត្តថាក្រុមរបស់លោកអាច យកឈ្នះលើគូប្រជែងគឺក្រុមភ្ញៀវ Bayern Munich ដើម្បីឈានទៅវគ្គផ្តាច់ព្រ័ត្រនៃក្របខ័ណ្ឌ Champions League ដែលនិងធ្វើឡើងនៅវេលាម៉ោង២រំលងអធ្រាតឈានចូលថ្ងៃព្រហស្បត្ត៍ស្អែកនេះ។ក្រុមជោគជ័យបំផុតនិងជាម្ចាស់ជើងឯកទ្វីបអឺរ៉ុប ១៤ សម័យកាលបានត្រឹមប្រកួតស្មើក្នុងជើងទី១ដោយ លទ្ធផល២ ទល់និង២ខណៈអ្នកចាត់ការសញ្ជាតិអ៊ីតាលី លោក Ancelotti បានប្រាប់សន្និសីទសារព័ត៌មានកាលពីថ្ងៃអង្គារថាៈ ខ្ញុំមានទំនុកចិត្តក្នុងនាមក្រុម Real Madrid យើងមានកីឡាករនិងអ្នកគាំទ្រដែលនឹងជួយដល់យើង។អត្ថបទកំពុងចាប់អារម្មណ៍៖ Prediction: គ្រូបង្វឹក Real Madrid បង្ហើបពាក្យប៉ុន្មានឃ្លានេះមុនជំនួបជាមួយ Bayern Munich សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គ្រូបង្វឹកវ័យ៦៤ឆ្នាំដែលធ្លាប់នាំក្រុមអធិរាជស Real Madrid លើកពានកំពូលទ្វីបអឺរ៉ុប ២លើករួចមកហើយបានបញ្ជាក់បន្ថែមយ៉ាងដូច្នេះថាៈយើងគិតថាយើងនិងធ្វើបានល្អក្នុងការប្រកួតនេះ ប៉ុន្តែសម្រាប់គ្រូបង្វឹក Bayern Munich ក៏នឹងគិតថាក្រុមរបស់គាត់ក៏ធ្វើបានដូចគ្នា។ ទោះយ៉ាងណាលោក Ancelotti បានទទួលស្គាល់ថា Bayern Munich ជាម្ចាស់ជើងឯក Champion League […]