Rasmus Hojlund គឺជាខ្សែប្រយុទ្ធគោលដៅអាទិភាព របស់ Man. United បន្ទាប់ពីចុះហត្ថលេខាអ្នកចាំទី Andre Onana ពីInter Milan និងខ្សែបម្រើ Mason Mount ពី Chelsea ខណៈក្រុមម្ចាស់ជើងឯកអង់គ្លេស២០សម័យពួកគេចង់ពង្រឹងការវាយប្រហាររបស់ពួកគេឱ្យបានឆាប់តាមដែលអាចធ្វើទៅបាន។
ទោះជាយ៉ាងណាក៏ដោយ ការចំណាយលើទីផ្សារទិញដូរកីឡាករ មិនដំណើរការល្អដូចការរំពឹងទុកនោះទេ ដោយសារ Atalanta មិនចង់ឱ្យកីឡាករឆ្នើមរបស់ខ្លួនចាកចេញក្នុងតម្លៃ តិចជាង ៨៦ លានផោនស្របពេលបិសាចក្រហមមិនព្រមចំណាយលើសពី ៦០ លានផោនសម្រាប់ខ្សែប្រយុទ្ធសញ្ជាតិដាណឺម៉ាករូបនេះឡើយ។
ផ្ទុយទៅវិញយោងគ្រូបង្វឹកហូឡង់លោក Erik ten Hag មានផែនការបន្ទាប់របស់ខ្លួនគឺក្រុមបានបង្វែរការចាប់អារម្មណ៍ ទោទៅកាន់កីឡាករ Mohammed Kudus របស់ Ajax ប្រសិនបើពួកគេបរាជ័យក្នុងការចុះហត្ថលេខាលើខ្សែប្រយុទ្ធក្រុម Atlanta រូបនេះ។ ដោយសារតែ ភាពប៉ិនប្រសព្វបស់កីឡាករអន្តរជាតិហ្គាណាដែលអាចលេងនៅតំបន់បម្រើកណ្តាល ស្លាប និងសូម្បីតែនៅប្រយុទ្ធ ជួរមុខបានទាក់ទាញចិត្តក្រុម Chelsea ក៏កំពុងតាមឃ្លាំមើលកីឡាករវ័យ ២២ ឆ្នាំផងដែរ។ ក៍ព្រោះតែការចាកចេញរបស់ Mateo Kovacic និង N’Golo Kante ធ្វើអោយក្រុមមានចន្លោះប្រហោងនៅចំនុចនេះតែម្តង។
ប្រភព:BBC
វីដេអូ Rasmus Hojlund
វីដេអូ Mohammed Kudus
