បរទេស៖ ខ្សែបម្រើឆើ្នម Sofyan Amrabat គោលដៅចម្បងមួយដែលក្លឹបបិសាចក្រហម Manchester United បង្ហាញការចាប់អារម្មណ៍នៅរដូវក្តៅនេះ។ យ៉ាងណាមិញមកទល់ពេលនេះក្លឹប Man Utd មិនទាន់ផ្តល់សំណើរជាផ្លូវការណ៍ណាមួយនៅឡើយទេ ដោយពួកគេរង់ចាំបញ្ចប់ការចុះកុងត្រាលើខ្សែប្រយុទ្ធទោលរបស់ខ្លួនជាមុនសិនដែលត្រូវបានគេជឿជាក់ថាជាកីឡាករ Rasmus Højlund របស់ Atalanta។ ទោះបីជាយ៉ាងណាតំបន់បម្រើនៅតែជាផ្នែកមួយដែលក្លឹប Man Utd មានគម្រោងពង្រឹងបន្ថែមទៀតក្រោយពួកគេបដិសេធចុះកុងត្រាយក Sabizter ជាអចិន្ត្រៃយ៍ ខណៈ Eriksen ក៏វ័យកាន់តែច្រើនផងដែរ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ដូច្នេះកីឡាករ Sofyan Amrabat ត្រូវគេជឿជាក់ថា ជាកីឡាករម្នាក់ដែលមានសុក្តានុពលខ្ពស់ក្នុងការផ្ទេរទៅកាន់ Old Trafford ដោយរបាយការណ៍ចុងក្រោយបានចុះផ្សាយថា ក្លឹប Liverpool ក៏បានបើកការចាប់អារម្មណ៍លើរូបគេ ប៉ុន្តែត្រូវបានសមីខ្លួនបដិសេធ ដោយសារតែរូបគេបានសម្រេចជ្រើសរើសយកក្លឹប Manchester United តែមួយគត់៕
