Barcelona បានលុបចោលការប្រកួតមិត្តភាពមុនបើករដូវកាលជាមួយ Juventus នៅសហរដ្ឋអាមេរិក ដោយសារតែកីឡាករក្នុងក្រុមមួយចំនួនមានបញ្ហា មេរោគក្រពះ និង រលាកពោះវៀន ខណៈក្លឹបយក្សមកពីក្របខណ្ឌលីកកំពូលអ៊ីតាលី និង អេស្បាញ មានកាលវិភាគត្រូវជួបប្រកួតគ្នានៅកីឡដ្ឋាន Santa Clara រដ្ឋកាលីហ្វ័រញ៉ា នៅថ្ងៃសៅរ៍នេះសម្រាប់កម្មវិធី Soccer Champions Tour ។
ក្រោយពីមានការចេញសេចក្តីថ្លែងការណ៍របស់ Barcelona ក្រុម Juventus នឹងត្រូវធ្វើការហ្វឹកហាត់នៅកីឡដ្ឋាន Levi’s ជំនួសវិញ ស្របពេល Barcelona នឹងត្រូវជួបក្រុមកាំភ្លើងធំ Arsenal នៅកីឡដ្ឋាន SoFi ក្នុងទីក្រុង Inglewood ក្នុងការប្រកួត Soccer Champions Tour បន្ទាប់របស់ពួកគេនៅថ្ងៃព្រហស្បតិ៍សប្តាហ៍ក្រោយ។
ប្រធានក្លឹប Barcelona លោក Joan Laporta បាននិយាយថា: យើងគ្រាន់តែសង្ឃឹមថាកីឡាករនឹងជាសះស្បើយឱ្យបានលឿនតាមដែលអាចធ្វើទៅបាន ។វាពិតជាលំបាកណាស់សម្រាប់ក្រុម និង អ្នកគាំទ្រ។
ប្រភព:BBC
ក្លឹបInter Miami កំពុងដុតដៃដុតជើងក្នុងការកៀងគរចុះហត្ថលេខានាំយកមិត្តរួមក្រុមរបស់កំពូលខ្សែប្រយុទ្ធស្លាប Leo Messi កីឡាករ Angel di Maria មករួមក្រុមខណៈពេលបច្ចុប្បន្នពួកគេបាននាំយកកីឡាករ Luis Suarez, Sergi Busquets និង Jordi Alba អោយមកគ្រងឯកសណ្ឋានឈុតផ្កាឈូកលេងរួមគ្នាសម្រាប់ក្រុមដែលមានមូលដ្ឋាននៅក្នុងរដ្ឋ Florida រួចមកហើយ ស្របពេលប្រធានក្លឹបគឺវីរបុរសក្រុមបិសាចក្រហមលោក David Beckham បាននិងកំពុងធ្វើការចរចាដើម្បីនាំយកអតីតកីឡាករ PSG , Man.Utd និង Real Madrid ដែលកំពុងលេងអោយក្លឹប Benfica រូបនេះទៅលេងនៅទ្វីបអាមេរិកខាងជើងនោះ។អត្ថបទកំពុងចាប់អារម្មណ៍៖ MAN UTD ប្រឈមមុខនឹងការប្រជែងពីក្លឹបធំ២នៅអឺរ៉ុប ដើម្បីចុះហត្ថលេខាលើខ្សែការពារឆ្នើមរូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរបញ្ជាក់ថាកិច្ចសន្យារបស់សមាជិកជ័យលាភី World Cup ២០២២ សញ្ជាតិអាហ្សង់ទីននឹងត្រូវផុតកំណត់នៅចុងបញ្ចប់រដូវកាលនេះ ហើយជាលទ្ធផលត្រួសត្រាយផ្លូវសម្រាប់ការផ្លាស់ប្តូរទៅកាន់ Inter Miami ដោយគ្មានតម្លៃខ្លួនខណៈគ្រូបង្វឹកអាហ្សង់ទីនលោក Tata Martino បានគូសវាសទម្រង់លេងត្រៀមដាក់អោយពួកគេលេងរួមក្រុមរួចអស់ទៅហើយនោះ។ […]