ក្លឹប Olympic Marseille បានបញ្ចប់ការចុះហត្ថលេខាលើខ្សែប្រយុទ្ធជើងចាស់ Pierre-Emerick Aubameyang ក្នុងតម្លៃបិទជិតបន្ទាប់ពីខ្សែប្រយុទ្ធ ជម្រើសជាតិហ្គាបុងវ័យ ៣៤ ឆ្នាំរូបនេះរកបានតែ ៣ គ្រាប់ប៉ុណ្ណោះក្នុងការបង្ហាញខ្លួន ២២ លើកសម្រាប់ Chelsea ក្រោយផ្ទេរពីBarcelona ក្នុង កិច្ចព្រមព្រៀងតម្លៃ ១០.៣ លានផោនកាលពីខែកញ្ញាឆ្នាំមុន។
មានន័យថាAubameyang បានចាកចេញពីលីកកកំពូលអង់គ្លេសជាលើកទីពីរក្នុងរយៈពេល ១៨ ខែ ពោលគឺធ្លាប់បានចំណាយពេលសរុប ៤ ឆ្នាំ ក្រោយចាប់ផ្តើមអាជីពដំបូងជាមួយ Arsenal ចាប់ពីឆ្នាំ២០១៨ មុនពេលចូលរួមជាមួយ Barcelona ក្នុងខែមករា ២០២២ និង ស៊ុតបញ្ចូលទីបាន ១៣ គ្រាប់ក្នុង ២៣ ប្រកួតសម្រាប់រយៈពេល ៦ ខែ ក្នុងប្រទេសអេស្ប៉ាញ ។
កីឡាករឆ្នើមប្រចាំឆ្នាំ២០១៥របស់ទ្វីបអាហ្រ្វិកធ្លាប់បង្ហាញខ្លួនតែមួយដងគត់ក្រោមការដឹកនាំរបស់អតីតគ្រូបង្វឹក Thomas Tuchel និងមិនមាន ឈ្មោះ សម្រាប់ក្រុម Chelsea ក្នុងក្របខណ្ឌ Champions League សម្រាប់ការប្រកួតវគ្គចែកពូល បន្ទាប់ពីការមកដល់ របស់សមាជិក ថ្មីក្នុង ខែមករា ២០២៣ មានដូចជាៈ Mykhailo Mudryk និង Noni Madueke ជាដើមនោះ។
ប្រភព:BBC
វីដេអូ Aubameyang ជាមួយ Arsenal
វីដេអូ Aubameyang ជាមួយ Barcelona
វីដេអូ Aubameyang ជាមួយ Chelsea
(អង់គ្លេស)៖ ផ្លូវការ! តោខៀវ Chelsea ទិញបានខ្សែការពារអន្តរជាតិហូឡង់ Jorrel Hato ពីក្លឹប Ajax ក្នុងតម្លៃ ៣៧លានផោន ឬស្មើនឹង ៤២លានអឺរ៉ូ ដែលរូបគេជាសមាជិកថ្មីទី៨ របស់ក្រុមតោខៀវនារដូវកាលទិញ-ដូរកីឡាករផងដែរ។អត្ថបទកំពុងចាប់អារម្មណ៍៖ អីយ៉ាសស្ងាត់ៗ Chelsea ចែចូវបានខ្សែការពារវ័យ១៩ឆ្នាំម្នាក់ ក្នុងតម្លៃប្រមាណ«៤២លានអឺរ៉ូ» សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស យ៉ាងណាមិញ Hato វ័យទើបតែ ១៩ឆ្នាំ បានព្រមព្រៀងចុះកិច្ចសន្យាលេងនៅ Stamford Bridge រយៈពេល៧ឆ្នាំ បន្ទាប់ពីពិនិត្យសុខភាពរួចរាល់កាលពីចុងសប្តាហ៍កន្លងទៅ ស្របពេលកីឡាករយុវជនរូបនេះ ក៏ធ្លាប់បង្ហាញខ្លួនក្នុងក្រុមធំទឹកក្រូចហូឡង់បានចំនួន ៦ប្រកួតផងដែរ៕ ប្រភព៖ BBC
