Man. United បានប្រកាសជាផ្លូវការណ៍នៅថ្ងៃព្រហស្បត្ត៍នេះថា Bruno Fernandes នឹងពាក់ស្លាកដៃប្រធានក្រុមអចិន្រ្តៃយ៍សម្រាប់រដូវកាល ២០២៣-២០២៤ដោយជំនួសកន្លែងអតីតប្រធានក្រុមគឺខ្សែការពារកណ្តាល Harry Maguireដែលបានបង្ហាញខ្លួន៨ដងប៉ុណ្ណោះកាលពីរដូវកាលមុន ។ វានឹងក្លាយជារដូវកាលទី ៥ របស់ខ្សែបម្រើព័រទុយហ្គាល់នៅទឹកដី Old Trafford ខណៈដែលខ្សែបម្រើស្លាបក្រុមជម្រើសជាតិព័រទុយហ្គាល់និងដឹកនាំបិសាចក្រហមចូលរួមប្រកួតព្រឹត្តិការណ៍ក្របខណ្ឌ Champions League ឡើងវិញក្រោយខកខានសរុប៤រដូវកាលរយៈពេល១២ឆ្នាំចុងក្រោយ ។
Maguire ត្រូវបានដកចេញពីតួនាទីរបស់គាត់កាលពីថ្ងៃចន្ទ និងបានសរសេរសារដ៏រំជួលចិត្តទៅកាន់អ្នកគាំទ្រ ប៉ុន្តែវាមិនត្រូវបានគេដឹងច្បាស់ថាអ្នកណានឹងមកជំនួសតំណែងខណៈ គេហទំព័រ The Sun បានចុះផ្សាយថាៈ Bruno Fernandes គឺជាបេក្ខភាពឈានមុខ ។
Fernandes ស៊ុតបញ្ចូលទីបាន ៦៤ គ្រាប់ និងបានរួមចំណែកAssist ៥៤លើកក្រោយចូលលេងបាន១៨៥ប្រកួតក្រោយផ្ទេរពី Sporting Lisbon មកទឹកដី Old Trafford នៅឆ្នាំ២០២០។ ដោយធ្លាប់ដឹកនាំក្នុងនាមជាប្រធានក្រុមបណ្តោះអាសន្នជាលើកប្រកួតកន្លងមក កីឡាករឆ្នើមប្រចាំឆ្នាំរបស់ Sir Matt Busby ពីរសម័យនឹងបន្តជំរុញឱ្យមានស្តង់ដារខ្ពស់ក្រោមការដឹកនាំរបស់លោក Ten Hag ដើម្បីបន្តទទួលលទ្ធផលផ្លែផ្កាបន្ថែមទៀតក្នុងរដូវកាល ២០២៣-២០២៤ ក្រោយពួកគេបានលើកពាន League Cup នៅរដូវកាលចាស់។
ប្រភព:besoccer
វីដេអូ:
ប្រភពពីគេហទំព័រ Independent បានចុះផ្សាយថាក្រុមកាំភ្លើងធំ Arsenal កំពុងដុតដៃដុតជើងបន្ថែមទៀតដើម្បីទទួលបានកិច្ចព្រមព្រៀងសម្រាប់កីឡាករ Eberechi Eze របស់ក្លឹបមានមូលដ្ឋានរួមទីក្រុងឡុងដ៍គឺ Crystal Palace ។ការបង្កើនសកម្មភាពនេះកើតមានឡើងបន្ទាប់ពិក្រុមលោកMikel Arteta ទើបតែបញ្ចប់ការចុះហត្ថលេខានាំយកកីឡាករ Viktor Gyökeres ពីក្រុម Sporting CP មករួមក្រុមរួចមក។Eze ខ្សែបម្រើអន្តរជាតិអង់គ្លេសនិងត្រៀមបញ្ចប់ការផ្ទេរមកទឹកដី Emirates ក្នុងរយៈពេលប៉ុន្មានសប្តាហ៍ខាងមុខនេះ ខណៈ Arsenal សង្ឃឹមថានឹងចរចាតម្លៃប្រមាណ 60 លានផោន ដោយប្រសើរជាងការចំណាយលើលក្ខខណ្ឌទិញផ្តាច់កុងត្រាប្រមាណ 68 លានផោន។ ទោះជាយ៉ាងណាកិច្ចព្រមព្រៀងអាចនិងកើតមានឡើងឆាប់ៗក្រោយក្លឹបទាំងពីរមានឆន្ទៈក្នុងការបត់បែននិងពិភាក្សាគ្នា។អត្ថបទកំពុងចាប់អារម្មណ៍៖ Arsenal បង្កើនការចរចារផ្ទេរយកកីឡាករឆ្នើមពីក្លឹបរួមទីក្រុងឡុងដ៍(មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស សម្រាប់ Arsenal ចាំបាច់ត្រូវបញ្ចេញកីឡាករយ៉ាងហោចណាស់ក៍ម្នាក់រឺក៏ច្រើនជាងនេះដែរមុនពេលបញ្ចប់កិច្ចព្រមព្រៀង Eze ខណៈកីឡាកររដូវកាលចាស់លេងនៅក្លឹប Fulham ក្នុងលក្ខណ្ឌខ្ចីជើងគឺ Reiss Nelson អាចត្រូវបានរួមបញ្ចូលជាផ្នែកមួយនៃកិច្ចព្រមព្រៀងនេះ។ ប្រភព:Dailypost វីឌេអូ:
