កីឡាករចំណូលថ្មី Lionel Messi ត្រូវបានបង្ហាញជាផ្លូវការទៅកាន់ហ្វូងអ្នកគាំទ្រនៅឯកីឡដ្ឋាន DRV PNK របស់ Inter Miami ជាមួយការចូលរួម ដោយហ្វូងអ្នកគាំទ្រដោយការលក់អស់សំបុត្រចូលទស្សនាប្រមាណ ២ម៉ឺននាក់ ដែលបានរង់ចាំដោយមេឃមានភ្លៀងធ្លាក់ និងផ្លេកបន្ទោរដើម្បីទស្សនាដោយផ្ទាល់ជាមួយម្ចាស់ជ័យលាភី Ballon d’Or ប្រាំពីរសម័យ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
នៅក្នុងសុន្ទរកថាខ្លីមួយជាភាសាអេស្ប៉ាញ Messi វ័យ ៣៦ ឆ្នាំដែលបាចុះកុងត្រាជាមួយក្លឹបរហូតដល់ឆ្នាំ២០២៥និងពាក់អាវឯកសណ្ឋានលេខ១០បានធ្វើការថ្លែងអំណរគុណដល់អ្នកគាំទ្រ ហើយបាននិយាយថាគាត់មានបំណងប្រាថ្នាដូចគ្នាទៅអ្នកគាំទ្រដែលកំពុងមានដូច្នេះដែរ។
វីរបុរសដែលបានជួយអោយក្រុមជម្រើសជាតិអាហ្សង់ទីនឈ្នះពាន World Cup និងត្រូវរួមការងារជាមួយអតីតប្រធានក្រុម និងជាខ្សែបម្រើការពារ Sergio Busquets ដែលធ្លាប់លេងនៅក្លឹប Barcelona បន្ទាប់ពីកីឡាករអន្តរជាតិអេស្បាញរូបនេះក៍ត្រូវបានបង្ហាញខ្លួនជាផ្លូវការក្នុងអំឡុងពេលព្រឹត្តិការណ៍រាត្រីថ្ងៃអាទិត្យម្សិលមិញនេះ។
ប្រភព:BBC
