Wayne Rooney បានសារភាពថាបានប្រើប្រាស់ហ្គេម “Football Manager” ដើម្បីស្វែងរក និងចុះហត្ថលេខាលើកីឡាករសម្រាប់ D.C United របស់លោក។ Rooney គឺជាអ្នកចាត់ការរបស់ក្រុម D.C United ដែលគាត់ធ្លាប់បានចំណាយពេលពីររដូវកាលនៃចុងបញ្ចប់នៃអាជីពរបស់គាត់។ DC ស្ថិតនៅបាទតារាងនៃលីក នៅពេលដែល Rooney ទទួលបន្ទុកដំបូងរបស់គាត់នៅចុងបញ្ចប់នៃរដូវកាលមុន ប៉ុន្តែឥឡូវនេះពួកគេឈរនៅចំណាត់ថ្នាក់ទី 9 ក្នុង MLS Eastern Conference ។
ហើយនៅក្នុងបទសម្ភាសន៍ថ្មីមួយជាមួយកាសែត The Times លោក Rooney បានបង្ហើបថាហ្គេម Football Manager គឺជាឧបករណ៍ដ៏មានសារៈប្រយោជន៍មួយជាមួយនឹងមូលដ្ឋានទិន្នន័យដ៏ទូលំទូលាយ និងបណ្តាញរុករកកីឡាករ។ គាត់បាននិយាយថា៖ «មានទីផ្សារជាច្រើនគឺអាមេរិកខាងត្បូង ហើយយើងបានធ្វើកិច្ចព្រមព្រៀងជាមួយ Football Manager [ហ្គេមកុំព្យូទ័រ] ដែលជាកន្លែងដែលយើងផ្តល់ឱ្យពួកគេនូវការផ្សាយពាណិជ្ជកម្មមួយចំនួន ហើយពួកគេផ្តល់ឱ្យយើងនូវសិទ្ធិចូលមើលក្រុមស្វែករកកីឡាករចំនួន – 11 ឬ 12 នាក់។ នៅកន្លែងផ្សេងៗគ្នាជុំវិញពិភពលោក ដើម្បីជួយពួកគេបង្កើតហ្គេមនេះបាន។ លោក Jose Mourinho ធ្លាប់ធ្វើរឿងដែលស្រដៀងគ្នានេះកាលពីមុនមក»។
