កីឡាករវ័យក្មេងដែលកំពុងអភិវឌ្ឍសមត្ថភាព និង ទម្រង់លេងរបស់ពួកគេបានក្លាយជាទីចាប់អារម្មណ័របស់ក្លឹប និង ប្រិយមិត្តគាំទ្រដោយសារតែការ រីកចម្រើនធំធាត់ចេញពីយុវជនថ្នាល និងបន្តបង្ហាញខ្លួនឈុតធំទៅកាន់ជម្រើស១១នាក់ដំបូងយ៉ាងទៀងទាត់ទៀតក្នុងវ័យតិចជាង១៩ឆ្នាំ។
ខាងក្រោមនេះជាកីឡាករឆ្នើមវ័យក្មេងទាំង៦រូបដែលមានប្រាក់ឈ្នួលខ្ពស់បំផុតនៅលីគកំពូលអេស្បាញ អង់គ្លេស និង អាឡឺម៉ង់៖
១.Gavi
ខ្សែបម្រើក្រុម Barcelona ដែលរីកធំធាត់ចេញពីយុវជនថ្នាលរូបនេះ មានប្រាក់ឈ្នួល ១១,១៥០០ផោន/១សប្តាហ៍យោងការចុះផ្សាយរបស់គេហទំព័រ Mundo Deportivo។
២.Carney Chukwuemeka
Chelsea បានចំណាយប្រាក់ ២០ លានផោនដើម្បីផ្ទេរយកកីឡាករអន្តរជាតិអង់គ្លេស Carney Chukwuemeka ពី Aston Villa និងជាកំនត់ត្រាដែលក្លឹបបានចំណាយលើការទិញកីឡាករវ័យក្មេងល្អបំផុតនៅលីកកំពូលបាល់ទាត់អង់គ្លេសក្នុងរយៈពេល ២ ឆ្នាំចុងក្រោយនេះ។បច្ចុប្បន្ន Chukឹwuemeka រកបានប្រាក់ឈ្នួល ១០០,០០០ ផោនក្នុងមួយសប្តាហ៍។
៣.Mathys Tel
Bayern Munich បានចុះហត្ថលេខាលើខ្សែបម្រើអន្តរជាតិបារាំងរូបនេះពី Rennes ក្នុងតម្លៃ ២៤ លានផោន ហើយបានផ្តល់ឱ្យគាត់នូវកិច្ចសន្យាដែលមានតម្លៃឈ្នួលពលកម្មនឿយហត់ ៦៥,៦០០ ផោនក្នុងមួយសប្តាហ៍។
៤.Rayan Cherki
កីឡាករវ័យ ១៩ ឆ្នាំគឺជាអ្នកមានទេពកោសល្យដ៏ល្អបំផុតមួយរបស់បាល់ទាត់បារាំង ខណៈ Chelsea បានធ្វើការទាក់ទងដើម្បីជំនួស Christian Pulisic ដែលបានផ្លាស់ទៅ AC Milan បច្ចុប្បន្នទទួលបានប្រាក់ឈ្នួល ៥៩,000 ផោនក្នុងមួយសប្តាហ៍ជាមួយក្លឹប Lyon។
៥.Alejandro Garnacho
ខ្សែបម្រើស្លាបសញ្ជាតិអាហ្សង់ទីនវ័យ ១៨ ឆ្នាំរូបនេះបានបង្ហាញទម្រង់លេងលេចធ្លោគួរចាប់អារម្មណ៏កាលពីរដូវកាលមុន ហើយមើលឃើញដូច្នេះទើប Man.Utd បានផ្តល់កិច្ចសន្យាថ្មីរយៈពេល ៥ ឆ្នាំជាមួយប្រាក់ប្រាក់បៀវត្សរ៍ចំនួន ៥ម៉ឺនផោន ក្នុងមួយសប្តាហ៍ដើម្បីដកការចាប់អារម្មណ៍ពីគូប្រជែងកំពូលៗនៅអឺរ៉ុប។
៦.Youssoufa Moukoko
កីឡាករវ័យក្មេងសញ្ជាតិអាល្លឺម៉ង់ដើមកំណើតកាមេរ៉ូនរូបនេះបានចូលរួមជាមួយ Dortmund ក្នុងវ័យ១៦ឆ្នាំ ត្រូវបានដាក់ឈ្មោះនៅក្នុងក្រុមបាល់ទាត់ពិភពលោកឆ្នាំ ២០២២ របស់អាឡឺម៉ង់ ។ Moukokoបានក្លាយជាកីឡាករវ័យក្មេងបំផុតនៅពេលដែលគាត់បានជំនួសតំណែង Serge Gnabry នៅនាទីទី ៩០ ពេលប្រកួតជាមួយជប៉ុន។
ប្រភព:sportsbrief
