(បរទេស)៖ យោងតាមប្រភពសារព័ត៌មាន SportMoles បានឲ្យដឹងថា ខ្សែប្រយុទ្ធ Harry Kane ដ៏មុតស្រួចរបស់ក្លឹបមាន់ខ្នាយមាស Tottenham Hotspur បានផ្តល់ជូននូវកិច្ចសន្យាថ្មី ដ៏ធំសម្បើម ប្រមាណជា ៤០មុឺនផោន ក្នុង១សប្តាហ៍ ប្រសិនបើគាត់ប្តេជ្ញាថានឹងស្នាក់នៅក្លឹបបន្តទៀតនៅរដូវកាលក្រោយ។ គួរបញ្ជាក់ផងដែរថា ប្រធានក្រុមជម្រើសជាតិអង់គ្លេសរូបនេះ អាចនឹងដើរចេញពីកីឡដ្ឋាន Tottenham Hotspur ដោយមិនមានតម្លៃខ្លួន ស្របពេលដែលកិច្ចសន្យារបស់គាត់នឹងផុតកំណត់នៅចុងរដូវកាល ២០២៣-២៤។ ទោះបីជាបានឈ្នះពានបុគ្គលក្តី ក៏កីឡាករវ័យ ២៩ឆ្នាំរូបនេះ មិនទាន់បានឈ្នះពានរង្វាន់ណាមួយជាមួយក្រុម Tottenham នៅឡើយទេ ខណៈមានក្លឹបធំៗជាច្រើនកំពុងតាមប្រមាញ់នាំយកកីឡាកររូបនេះទៅរួមក្រុម៕