(អាល្លឺម៉ង់)៖ យោងតាមសារព័ត៌មាន Daily Mail បានឱ្យដឹងថា Bayern Munich នៅតែចង់បានខ្សែប្រយុទ្ធមុតស្រួចរបស់ក្លឹបមាន់ខ្នាយមាសកីឡាករ Harry Kane ហើយខណៈនេះក្លឹបបានត្រៀមដាក់សំណើថ្មីចំនួន ៧០លានផោន។ ការដេញថ្លៃកន្លងមកមិនបានធ្វើឲ្យ Spur មានបំណងចង់ឲ្យកីឡាកររូបនេះ ចាកចេញនៅក្នុងតម្លៃផ្ទេរទាបនោះទេ។ Kane គឺជាខ្សែប្រយុទ្ធសញ្ជាតិអង់គ្លេសដ៏ល្អបំផុតមួយរូបនៅក្នុងពិភពលោក ទោះបីជាគាត់មានវ័យ ២៩ឆ្នាំក៏ដោយ គាត់នៅតែអាចធ្វើបានល្អជានិច្ច កត្តាដែលធ្វើឲ្យកីឡាកររូបនេះ ចង់ស្វែងរកក្លឹបថ្មីនោះគឺគាត់ចង់ឈ្នះពានធំៗ ខណៈ Kane ក៏មានមហិចតាចង់សាងកេរ្តិ៍ឈ្មោះខ្លួនឲ្យកាន់តែល្បីរន្ទឺសុះសាយជាងពេលឥឡូវនេះផងដែរ។ Kane ​នៅសល់កុងត្រាជាមួយ Spur ១ឆ្នាំទៀត ខណៈ Spur អាចនឹងឲ្យកីឡាកររូបនេះចាកចេញដោយគ្មានតម្លៃខ្លួននៅឆ្នាំ ២០២៤ ខាងមុខនេះ៕

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស