បរទេស៖ អនាគតរបស់ Kylain Mbappe កំពុងស្ថិតក្នុងភាពមិនច្បាស់លាស់ជាខ្លាំង ក្រោយរូបគេមិនព្រមបន្តកុងត្រាថ្មីជាមួយនឹងក្លឹប Paris Saint Germain ប៉ុន្តែរូបគេចង់បន្តរហូតដល់កិច្ចសន្យារបស់ខ្លួនផុតសុពលភាពនៅឆ្នាំ២០២៤តែម្តង។ យ៉ាងណាមិញក្លឹប PSG ប្តេជ្ញានឹងមិនអនុញ្ញាតឲ្យរូបគេចាកចេញដោយគ្មានតម្លៃខ្លួនឡើយ ដោយប្តេជ្ញាថា លក់ខ្សែប្រយុទ្ធរូបគេឲ្យបាននៅរដូវក្តៅនេះ ប្រសិនបើរូបគេមិនព្រមបន្តកុងត្រាថ្មីទេនោះ។

លោក Nasser Al Khelaifi បាននិយាយថា៖ «Kylian Mbappé គាត់ត្រូវតែសម្រេចចិត្តនៅសប្តាហ៍ក្រោយ ឬពីរសប្តាហ៍ខាងមុខទៀត, មិន​លើស​ពី​នេះ​ទេ»។ ប្រសិនបើគាត់មិនចង់ចុះកិច្ចសន្យាថ្មីទេនោះ ទ្វារគឺបើកចំហជានិច្ច។ គ្មាននរណាម្នាក់ធំជាងក្លឹបទេ គ្មានកីឡាករ សូម្បីតែខ្ញុំ»។