(បារាំង)៖ ក្លឹបយក្សបារាំង Paris Saint-Germain បានបញ្ជាក់ជាផ្លូវការពីការតែងតាំងលោក Luis Enrique ជា​គ្រូ​បង្វឹក​ថ្មី ដែលគាត់ធ្លាប់ជាអតីតគ្រូបង្វឹកក្លឹបអ្នកមានបុណ្យ Barcelona ដោយកិច្ចសន្យារបស់គាត់ជាមួយ PSG មានរយៈពេល ២ឆ្នាំ។ បុរសសញ្ជាតិអេស្ប៉ាញ វ័យ ៥៣ឆ្នាំខាងលើនេះ បានលាលែងពីតំណែង ជាអ្នកចាត់ការក្រុមជម្រើសជាតិគោជល់អេស្ប៉ាញ បន្ទាប់ពីការបរាជ័យនៅព្រឹត្តិការណ៍ World Cup របស់ពួកគេ ក្នុងវគ្គ ១៦ក្រុមចុងក្រោយក្រោមថ្វីជើងរបស់ម៉ារ៉ុកនាខែធ្នូឆ្នាំមុន និងបានទទួលដឹកនាំក្លិប ជាលើកដំបូងរបស់លោក គិតចាប់តាំងពីចាកចេញពីក្លិបក្នុងស្រុក FC Barcelona នាឆ្នាំ២០១៧។ លោក Enrique បានចំណាយពេល ៣រដូវកាលដឹកនាំ Barcelona ដោយបានឈ្នះពានរង្វាន់ UEFA Champions League ១លើក, La Liga ២លើក និងពាន Copa del Rey ក្នុងរដូវកាលទី៣ របស់លោកផងដែរ៕

Official, confirmed. Luis Enrique signs as new Paris Saint-Germain on two year contract. ✅🔴🔵 #PSG pic.twitter.com/6InYNJqGrA

— Fabrizio Romano (@FabrizioRomano) July 5, 2023