ការឈ្នះពានរង្វាន់បាល់ទាត់ពិភពលោក FIFA World Cup គឺជាមហិច្ឆតាដ៏ធំបំផុតមួយរបស់កីឡាករបាល់ទាត់អាជីពទាំងឡាយពិសេសគឺនៅក្នុងការបង្ហាញខ្លួនអោយក្រុមជម្រើសជាតិដែលត្រូវបានចាត់ទុកថាជារឿងដ៍ទូលំទូលាយប្រកបដោយកិត្យានុភាពបំផុតជាប្រវត្តិសាស្រ្ត។
ទោះយ៉ាងណាជារឿងដែលចម្លែកបំផុតមួយដែរក្នុងចំណោមកីឡាករទាំង៧រូប គឺពួកគាត់បានឈ្នះពានដ៍ធំមួយនេះដោយមិនបានចូលលេង១ប្រកួតសោះៈ
១.Franco Baresi (១៩៨២)
Franco Baresi គឺជាខ្សែការពារម្នាក់ក្នុងចំណោមខ្សែការពារដ៍កម្រធ្លាប់ឈ្នះពានរង្វាន់ Ballon d’Or គាត់បានឈ្នះពាន World Cup ជាមួយក្រុមជម្រើសជាតិអ៊ីតាលីក្នុងឆ្នាំ១៩៨២ ដោយមិនបានបង្ហាញខ្លួន១លើកសោះ។
២.Daniel Passarella (១៩៨៦)
វីរបុរសអាហ្សង់ទីនមិនបានបង្ហាញខ្លួនក្នុងការប្រកួត World Cup ឆ្នាំ ១៩៨៦ ដែលបានរៀបចំនៅប្រទេសម៉ិកស៊ិកនោះទេ។គាត់បានអវត្តមានពីការប្រកួតនិងជំនួសដោយមិត្តរួមក្រុម Jose Luis Brown បានស៊ុតបញ្ចូលទីបើកឆាកយនៅវគ្គផ្តាច់ព្រ័ត្រ។
៣.Ronaldo Nazario De Lima(១៩៩៤)
ខ្សែប្រយុទ្ធសញ្ជាតិប្រេស៊ីលបានឈ្នះពាន World Cup ១៩៩៤ ជាមួយប្រេស៊ីលនៅក្នុងព្រឹត្តិការណ៍ World Cup ១៩៩៤ ខណៈសហរដ្ឋអាមេរិក ជាម្ចាស់ផ្ទះខណៈពេលនោះរូបគេបានត្រឹមអង្គុយជាកីឡាករបម្រុងប៉ុណ្ណោះទាំងពីចាប់ផ្តើមរដូវដល់វគ្គផ្តាច់ព្រ័ត្រ។
៤.Dida(២០០២)
អតីតអ្នកចាំទីAC.Milan លោក Nelson de Jesus Silva ដែលត្រូវបានគេស្គាល់ថាអ្នកចាំទីដៃស្អិត Dida របស់ប្រេស៊ីលធ្លាប់បានលេងក្នុងវគ្គផ្តាច់ព្រ័ត្រ FIFA World Cup បីដង និងឈ្នះពីរដង។ទោះជាយ៉ាងណាក៏នៅពេលដែលប្រទេសជប៉ុន និងកូរ៉េខាងត្បូងធ្វើជាម្ចាស់ផ្ទះក្នុងឆ្នាំ២០០២ គាត់មិនបានបង្ហាញខ្លួនសោះឡើយដោយត្រឹមតែអង្គុយជាកីឡាករបម្រុងប៉ុណ្ណោះ។
៥.Pepe Reina(២០១០)
អតីតអ្នកចាំទីក្រុមហង្សក្រហមLiverpool បានលើកពាន World Cup ជាមួយក្រុមគោជល់អេស្បាញនៅឆ្នាំ២០១០នាប្រទេសអាហ្រ្វិកខាងត្បូងដោយ មិនបានបង្ហាញខ្លួនចូលលេងសោះខណៈIker Casillas បានដើរតួជំនួសរូបគេក្នុងនាមកីឡាករដៃទី១។
៦.Erik Durm(២០១៤)
អតីតខ្សែការពារក្រុមឥន្ទ្រីយ៍ដែកអាឡឺម៉ង់គឺជាផ្នែកមួយនៃក្រុមដែលបានឈ្នះការប្រកួតបាល់ទាត់ពិភពលោកឆ្នាំ ២០១៤ នៅប្រទេសប្រេស៊ីលបន្ទាប់ពីក្រុមនេះបានយកឈ្នះអាហ្សង់ទីនក្នុងវគ្គផ្តាច់ព្រ័ត្រ។ទោះយ៉ាងណាក៏ដោយ Durm មិនបានចូលលេងក្នុង១ប្រកួតណាសោះឡើយពោលគឺបាន ត្រឹមអង្គុយជាកីឡាករបម្រុងតាំងពីចាប់ផ្តើមយុទ្ធនាការរហូតបញ្ចប់
។
៧.Adil Rami(២០១៨)
ចុងក្រោយបង្អស់នៅក្នុងក្រុមគឺ Adil Rami ដែលបានឈ្នះពាន World Cup ២០១៨ជាមួយបារាំងទោះបីខ្សែការពារកណ្តាលរូបនេះមិនបានលេង១ ប្រកួតណាសោះអោយ Didier Deschamps ពេលផ្តួលក្រូអាតក្នុងលទ្ធផល ៤-២ នៅវគ្គផ្តាច់ព្រ័ត្រ។
ប្រភព:sportsbrief
