បរទេស៖ វីរបុរសក្លឹបបិសាចក្រហម Manchester United លោក David Beckham ថា ការទទួលបានកាតក្រហមនៅ World Cup 1998 វគ្គ១៦ក្រុមចុងក្រោយដែលអង់គ្លេសប៉ះជាមួយនឹងក្រុមអាហ្សង់ទីននៅតែជាសុបិន្តអាក្រកតាមលងបន្លាចរូបគាត់ដល់សព្វថ្ងៃ។ David Beckham ធ្លាប់បានសាងកេរ្តិ៍ជាច្រើនជាមួយនឹងក្លឹបបាល់ទាត់លំដាប់កំពូល Real Madrid និង Manchester United ហើយក៏ជាមួយនឹងក្រុមជម្រើសជាតិអង់គ្លេសផងដែរ។ ប៉ុន្តែអ្វីៗគឺមិនសូវជាល្អប្រសើរឡើយជាមួយនឹងក្រុមជម្រើសជាតិអង់គ្លេស ដោយការប្រកួតដែលគ្រប់គ្នាមិនអាចបំភ្លេចបាននោះគឺជាការប្រកួតរវាងអង់គ្លេសនិងអាហ្សង់ទីន ដែល Beckham ប៉ះទង្គិចគ្នាជាមួយនឹងលោក Simone ដែលបណ្តាលឲ្យ Beckham ទទួលបានកាតក្រហម ខណៈអង់គ្លេសធ្លាក់ចេញពី World Cup ដោយបាល់ប៉េណាល់ទីកាត់សេចក្តី។
Beckham បាននិយាយថា៖ «គ្មានអ្វីត្រូវសង្ស័យទេ រឿងនោះនៅតែប៉ះពាល់ដល់ខ្ញុំពេលបច្ចុប្បន្ន។ វាពិបាកខ្លាំង ប៉ុន្តែវាពិបាកសម្រាប់គ្រួសាររបស់ខ្ញុំជាជាងខ្ញុំផ្ទាល់។ ខ្ញុំព្យាយាមមិនខ្វល់អំពីវា ប៉ុន្តែរឿងនោះបានធ្វើឲ្យខ្ញុំមានក្តីបារម្ភជាងអ្វីៗទាំងអស់។
ខ្ញុំចាំបានថាជីតា របស់ខ្ញុំធ្លាបនិយាយប្រាប់ខ្ញុំថា ‘David ខ្ញុំត្រូវបានគេគោះទ្វារួចនិយាយថា ឯបានធ្វើឲ្យប្រទេសទាំងមូល និងក្រុមគ្រួសាររបស់ឯងធ្លាក់ចុះ។ ខ្ញុំមិនអាចជិះជុំវិញទីក្រុងឡុងបានឡើយ។ ខ្ញុំមិនអាចដើរនៅទីនោះ ខ្ញុំមិនអាចទៅហាងញុំាអី ខ្ញុំមិនអាចចូលបារ សម្បីតែមិត្តរួមខ្ញុំក៏គេលែងហ៊ាននៅជិត។
ពួកគេដឹងថាខ្ញុំទទួលបានការវាយប្រហារ បើសិនខ្ញុំឈប់ស្តុបនោះមនុស្សនឹងដើរមកស្តោះទឹកមាត់ដាក់ឡានខ្ញុំជាងមិនខាន។ រឿងទាំងនោះបានកើតឡើងចំពោះខ្ញុំរាល់ថ្ងៃដល់ទីបីបួនឆ្នាំឯណោះ។»
ក្រុមមាន់ក្នាយមាស Tottenham Hotspur ត្រូវបានគេរាយការណ៍ថា បានពិចារណាក្នុងការនាំយកអតីតគ្រូបង្វឹករបស់ក្រុម Marseille គឺលោក Roberto De Zerbi ក្នុងនាមជាអ្នកមកជំនួសកន្លែងរបស់លោក Ange Postecoglou ។ អតីតក្រុមប្រឹក្សាភិបាលរបស់ Spur គឺលោក Fabio Paratici បានមើលឃើញលោក De Zerbi ជាបុគ្គលសាកសមបំផុត និងបានជម្រុញឲ្យក្រុម Spur ពិចារណាលើគ្រូបង្វឹករូបនេះ ។ លោក De Zerbi ក៏ធ្លាប់មានបទពិសោធន៍ជាមួយនឹងបាល់ទាត់អង់គ្លេសផងដែរ ដោយពេលនោះរូបលោកបានដឹកនាំក្រុម. Brighton នឹងបានដឹកនាំឲ្យក្រុមបានឡើងទៅដល់វគ្គជម្រុះ UEFA Europa League ជាលើកដំបូងក្នុងប្រវត្តិសាស្ត្ររបស់ក្លឹប៕អត្ថបទកំពុងចាប់អារម្មណ៍៖ គ្រូ Man Utd ចង់ឲ្យតារាឆ្នើមរូបនេះ «បន្តនៅដល់ចប់កុងត្រា» បើទោះបី Al-Hilal កំពុងជះលុយធំ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
