(អង់គ្លេស)៖ ក្លឹបបិសាចក្រហម Manchester United ត្រូវបានគេអះអាងថា កំពុងធ្វើការចូលប្រជែងដេញថ្លៃជាមួយក្រុមកាំភ្លើងធំ Arsenal ដើម្បី​ចុះហត្ថលេខា​លើ​តារា​ឆ្នើម​របស់ក្លឹបអធិរាជស​ Real Madrid ​គឺកីឡាករ​ Aurelien Tchouameni។ Real Madrid បានចុះហត្ថលេខាលើខ្សែបម្រើសញ្ជាតិបារាំងវ័យ ២៣ឆ្នាំរូបនេះក្នុងតម្លៃ ៨៥លានផោន ពី Monaco កាលពីរដូវកាលមុន។ ប៉ុន្តែថ្មីៗនេះ Tchouameni មានការលំបាកក្នុងការជាប់នៅជម្រើស១១នាក់ ចាប់តាំងពីមានការផ្ទេរកីឡាករ Jude Bellingham មកកាន់ទឹកដីម៉ាឌ្រីតមក។ លោក Erik ten Hag កំពុងស្នើសុំក្លឹបសម្រាប់ការចុះកិច្ចព្រមព្រៀងមួយនេះ ខណៈក្លឹបបិសាចក្រហមហ៊ានឲ្យថ្លៃកីឡាកររូបនេះ ក្រោម ១០០លានអឺរ៉ូ ប៉ុណ្ណោះ ព្រោះតែថវិការនៅមានកម្រិត និងអាចជាប់បទបញ្ញតិ Financial Fair Play៕