Lionel Messi កំពុងស្វែងរកផ្ទះថ្មីជាមួយនឹងតម្រូវការពិសេសនៅទីក្រុង Miami រដ្ឋ Floria បើទោះបីជាបច្ចុប្បន្នវីរបុរសដែលជួយអោយ អាហ្សង់ទីនលើកពាន World Cup ជាលើកទី៣ មានផ្ទះចំនួន៤ រួចហើយ។ តែអ្វីដែលគួរអោយកត់សម្គាល់នោះគឺអគារទាំងបួននោះមានតម្លៃសរុបដល់ទៅ ១៥ លានផោន យោងគេងហទំព័រ sportskeeda បានចុះផ្សាយ ប៉ុន្តែអ្វីដែលតារាវ័យ៣៦ឆ្នាំរូបនេះចង់បានគឺអគារលំហែរខុនដូរជាប់មាត់ទឹកតែម្តង។ គួររំលឹកថា Messi បានសម្រេចផ្ទេរមកចូលរួមជាមួយក្លឹប Inter Miami នៅលីកកំពូលអាមេរិកនៅរដូវក្តៅនេះ ក្រោយបដិសេធមិនបន្តកុងត្រាជាមួយ Paris Saint-Germain បើទោះបីជាបានជួយអោយក្រុមឈ្នះពាន Ligue 1 ពីរដងហើយក៏ដោយ។
អចលនទ្រព្យនៅទឹកដីអាមេរិកបច្ចុប្បន្នដែលកាន់កាប់ដោយម្ចាស់ពានបាល់មាស៧សម័យ Ballon d’Or បានចំណាយប្រាក់៧ លានផោនរួចហើយក្នុងការទិញអគារ Porsche Design Tower ដែលមានទំហំ ៤,៤០០ ម៉ែត្រការ៉េ ។ ជាមួយគ្នានេះដែរ Messi ក៏ជាម្ចាស់នៃជាន់ទី ៩ ទាំងមូលនៃ Regalia Tower នៅឯ Collins Avenue ដែលមានតម្លៃ ៦ លានផោនផងដែរ។ព្រមជាមួយគ្នានោះMessi ក៏មានអចលនទ្រព្យពីរនៅឯអគារ Trump Royale Tower ដ៏ប្រណិតខណៈ អតីតប្រធានក្រុម Barcelona បានចំណាយប្រាក់ទិញក្នុងតម្លៃ ៨០ម៉ឺនផោនផងដែរសម្រាប់អគារទាំងពីរ។
ប្រភព:sportsbrief
