ក្រុមអធិរាជស Real Madrid បានបង្ហាញការចាប់អារម្មណ៍ចង់បានខ្សែការពារស្លាបស្តាំ Jeremie Frimpong របស់ក្រុម Bayern Leverkusen ខណៈកីឡាករសញ្ជាតិហូឡង់វ័យ ២២ ឆ្នាំរូបនេះ មានតម្លៃខ្លួនចន្លោះពី២៥ទៅ៣០ លានអឺរ៉ូឯណោះ។

Frimpong បានបង្ហាញសមត្ថភាពដ៏គួរអោយទាក់ទាញក្នុងរដូវកាលនេះ ក្រោមការដឹកនាំរបស់លោក Xabi Alonso ដោយលេងក្នុងទម្រង់ ៣-៤-៣ ទោះបីជាលេងនៅតំបន់ការពារ ប៉ុន្តែក៏ឡាករដែលមានអនាគតវែងឆ្ងាយរូបនេះ បានស៊ុតបញ្ចូលទីចំនួន ៧ គ្រាប់ និង assists ៩ ដងក្នុងការបង្ហាញខ្លួនគ្រប់ក្របខណ្ឌប្រកួត ៣៥ដងអោយ Leverkusen។កីឡាករវ័យក្មេងក៏មានបំណងបើកចំហរ ឪកាសក្នុងការផ្លាស់ទៅលេងនៅទឹកដី Santiago Bernabeu ស្របពេលម្ចាស់ជើងឯកទ្វីបអឺរ៉ុប ១៤សម័យកាល Real Madrid ហាក់បង្ហាញភាពលែងទុកចិត្ត Dani Carvajal ដោយសារតែភាពមិនស៊ីសង្វាក់គ្នារបស់គាត់នៅក្នុងក្រុមជាមួយនិងបញ្ហារបួស។