លោក Mikel Arteta បានសារភាពថាខ្លួនបានប្រើប្រាស់រូបមន្ត៣-៤-៣ ដើម្បីដឹកនាំArsenal ឈរនៅទីកំពូលតារាងហើយវិធីសាស្រ្តនេះគឺរូបលោក បានចម្លងរបៀបដឹកនាំពីលោក Pep Guadiola បន្ទាប់ពីអ្នកទាំងពីរធ្លាប់ធ្វើការរួមគ្នាក្នុងនាមគ្រួបង្វឹក និង ជំនួយការក្លឹបMan.City រយៈពេល៣ឆ្នាំ។អ្នកចាត់ការសញ្ជាតិអេស្បាញក៏បានទទួលអត្ថប្រយោជន៏ពីលោក Pep ក្រោយក្លឹបសម្រេចលក់ខ្សែប្រយុទ្ធ Gabriel Jesus និងខ្សែការពារស្លាបឆ្វេង Oleksandr Zinchenko ក្នុងតម្លៃសរុប ៨២ លានផោន បើទោះបីជា Jesus បច្ចុប្បន្ននៅមិនទាន់បានជួយក្រុម ក្រោយរងរបួសកំលុងព្រឹត្តិការណ៏World Cup ២០២២ ប៉ុន្តែ Zinchenko បានបំពេញតួនាទីយ៉ាងល្អ ។
ក្រុមទាំងពីរកំពុងប្រជែងតំណែងជើងឯក Premier League ដោយនៅសល់១០ប្រកួតទៀតខណៈក្រុមកាំភ្លើងធំមាន ៨ ពិន្ទុនាំមុខពីក្រុមការពារតំណែងជើងឯក Man City ដែលមានមួយប្រកួតក្នុងដៃ ខណៈក្រុមទាំងពីរត្រូវជួបគ្នាជើងទីពីរនៅកីឡដ្ឋាន Etihad នាថ្ងៃទី ២៦ ខែមេសា បន្ទាប់ពីជើងទីមួយMan.City ផ្តួលក្នុងលទ្ធផល ១-៣ ។
