បរទេស៖ ខ្សែបម្រើ Marcel Sabitzer របស់ក្រុមបិសាចក្រហម Man. United កំពុងសម្រាកព្យាបាលរបួសជង្គង់ ប៉ុន្តែគ្រូបង្វឹកសញ្ជាតិអូទ្រីស Ralf Rangnick ដែលធ្លាប់កាន់តួនាទីជាគ្រូបង្វឹកបណ្ដោះអាសន្នរបស់Man.United កាលពីរដូវកាលមុន មានសុទិដ្ឋិនិយមថាកីឡាកររូបនេះ និងអាចជាសះស្បើយទាន់ពេល ដើម្បីចូលលេងក្នុងការប្រកួតជម្រុះ Euro ២០២៤ នៅថ្ងៃច័ន្ទជាមួយអេស្តូនី។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
Sabitzer ដែលបានចូលរួមជាមួយMan. United ក្នុងលក្ខខណ្ឌខ្ចីជើងពី Bayern Munich នៅថ្ងៃចុងក្រោយនៃទីផ្សារដោះដូរកីឡាករលើកទីពីរនៅខែមករា២០២៣នោះ បានបង្ហាញទម្រង់លេងល្អ កាលពីយប់ថ្ងៃសុក្រ ដោយស៊ុតបញ្ចូលទីបានពីរគ្រាប់ក្នុងការប្រកួតជម្រុះលើក្រុមអាហ្សែបែហ្សង់ក្នុងលទ្ធផល ៤ទល់និង១។កីឡាករវ័យ ២៩ ឆ្នាំរូបនេះ ក៏បានដើរតួនាទីជាប្រធានក្រុមរបស់គាត់ផងដែរនៅយប់នោះត្រូវបានប្តូរចេញមុនបញ្ចប់ការប្រកួត ហើយក្រោយមកបានខកខានការហ្វឹកហាត់ចុងក្រោយកាលពីថ្ងៃអាទិត្យម្សិលម៉ិញនេះ។
