បរទេស៖ ម្ចាស់ក្លឹប Nottingham Forest លោក Steve Cooper បានបង្ហាញពីទំនុកចិត្តថាពួកគេអាចប្រជែងយកឈ្នះក្រុមមាន់ខ្នាយមាស Tottenham Hotspur ដើម្បីផ្ទេរយកអ្នកចាំទី Dean Henderson មករួមក្រុមជាអចិន្រ្តៃយ៏ បន្ទាប់ពីកីឡាករ Man. Utd បច្ចុប្បន្នកំពុងលេងក្នុងលក្ខណ្ឌខ្ចីជើង រយៈពេលមួយរដូវកាលនៅ Nottingham Forest។
កីឡាករអន្តរជាតិអង់គ្លេសវ័យ ២៦ ឆ្នាំរូបនេះបង្ហាញខ្លួនចូលលេងបាន២០លើកគ្រប់ក្របខណ្ឌប្រកួត ក្នុងរដូវកាលនេះដោយធ្វើបាន Clean Sheet ចំនួន ៦ ដង។ទោះយ៉ាងណា Henderson ដែលអវត្តមានតាំងពីខែមករា ខណៈ NottinhamForest បានបំពេញការខ្ចីជើងអ្នកចាំទីជើងចាស់សញ្ជាតិកូស្តារីកា Keylor Navas ពី Paris Saint-Germain រហូតដល់ចុងបញ្ចប់នៃរដូវកាលនេះ។ បរាជ័យមិនស្គាល់ឈ្នះ៦ ប្រកួតចុងក្រោយរបស់ពួកគេធ្វើអោយNottinham Forest កំពុងស្ថិតក្នុងចំណាត់ថ្នាក់លេខ ១៦និងមានត្រឹមតែ ២ ពិន្ទុពីលើតំបន់ដែលត្រូវកាត់ចោល ស្របពេល Henderson មានកិច្ចសន្យាជាមួយ Man United រហូតដល់ខែមិថុនាឆ្នាំ២០២៥ អាចនិងត្រូវក្លឹបពិចារណាលក់ចេញប្រសិនមានសំណើរសមរម្យ។
បរទេស៖ វីរបុរស Manchester United កីឡាករ David Beckham ជឿជាក់ថា Manchester City អាចឈ្នះ Treble បានមែន ប៉ុន្តែវាមិនអស្ចារ្យដូចជា Manchester United ឡើយ ព្រោះពួកគេជាក្លឹបដំបូងគេដែលអាចធ្វើរឿងនេះបាន។ David Beckham បាននិយាយថា៖ «ប៉ុន្តែមានក្លឹបតែមួយគត់ដែលអាចឈ្នះលើកដំបូង ហើយយើងជាក្លឹបនោះ។ ដូច្នេះ និយាយឱ្យត្រង់ទៅ ក្នុងនាមជាអ្នកគាំទ្ររបស់ United ម្នាក់ ប្រសិនបើកីឡាករទាំងនេះឈ្នះពានបីនោះ អារម្មណ៍ក្នុងនាមជាកីឡាករដែលលើកពានទាំងបី និងបង្កើតប្រវត្តិសាស្ត្រ នោះគឺជារឿងដ៏អស្ចារ្យមួយ។ ប៉ុន្តែដូចខ្ញុំបាននិយាយទៅកាន់ Noel មានតែក្រុមមួយគត់ដែលបានឈ្នះជាលើកដំបូង»។អត្ថបទកំពុងចាប់អារម្មណ៍៖ Leicester City នឹងបាត់បង់កីឡាករ ៧នាក់ ក្នុងខែមិថុនានេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
