បរទេស៖ ការ​ប្រកួត​បាល់ទាត់​អេស្ប៉ាញ​ត្រូវ​បានផ្អាក​ បន្ទាប់​ពី​កីឡាករ​ម្នាក់​បាន​គាំង​បេះដូង​នៅ​ពាក់​កណ្តាល​ការ​ប្រកួត ។ កាសែត The Sun បានចុះផ្សាយថា ការប្រកួតក្នុងក្របខ័ណ្ឌលំដាប់ទី 3 របស់អេស្ប៉ាញ រវាងក្លឹប Cordoba និង Racing Ferrol បានផ្អាកនៅត្រឹមនាទីទី 11 បន្ទាប់ពីហេតុការណ៍ដ៏រន្ធត់មួយបានកើតឡើង។ តារា Cordoba កីឡាករ Dragisa Gudelj បានដួលសន្លប់នៅលើទីលាន ដោយបានក្លាយជាក្តីបារម្ភរបស់មនុស្សគ្រប់គ្នានៅក្នុងកីឡដ្ឋាន Estadio Nuevo Arcangel ។ យោងតាមគេហទំព័រ Marca របស់អេស្ប៉ាញ Gudelj បានទទួលរងនូវការគាំងបេះដូងស្រដៀងនឹងអ្វីដែលបានកើតឡើងចំពោះ Christian Eriksen ក្នុងឆ្នាំ 2021 នៅព្រឹត្តិការណ៍ Euro 2020 ។

Dragisa Gudelj (brother of Serbia star Nemanja) collapsed on the pitch for Cordoba against Ferrol as the match was abandoned.

While being stretchered off the pitch, he woke up and appeared to ask to carry on playing.pic.twitter.com/2advKzkqxr

— Sam Street (@samstreetwrites) March 25, 2023

រថយន្តសង្គ្រោះត្រូវបានប្រញាប់ប្រញាល់ទៅកាន់ទីលានផ្ទាលតែម្តង ខណៈដែលបុគ្គលិកពេទ្យបានគ្រប់គ្រងស្ថានភាពបានដោយជោគជ័យក្នុងការជួយសង្គ្រោះលើកីឡាកររូបនេះឱ្យមានភាពធូរស្រាល។ ខ្សែ​ការពារ​កណ្តាល​ត្រូវ​បាន​គេ​ដាក់​លើ​រទេះរុញ ខណៈ​ដែល​ហ្វូង​មនុស្ស​បាន​បង្ហាញ​ការ​គាំទ្រ​ដោយ​ការ​ឈរ​ឱបដៃ។ Gudelj ត្រូវបានយកចេញពីទីលាន ខណៈពេលដែលដឹងខ្លួនភ្លាម រូបគេព្យាយាមងើបដើម្បីបន្តការប្រកួតរបស់ខ្លួនបន្តទៀត ។ យ៉ាងណាមិញរូបគេត្រូវបានបុគ្គលិកនឹងកីឡាករជាច្រើនរត់មកហាមឃាត់រូបគេ និងលើរូបគេដាក់លើឡានពេទ្យបានសម្រេច ។ ហើយទីបំផុតកីឡាករវ័យ 25 ឆ្នាំរូបនេះត្រូវបានបញ្ជូនទៅមន្ទីរពេទ្យ Reina Sofia ដើម្បីធ្វើការសង្គ្រោះបន្ត ខណៈដែលអាជ្ញាកណ្តាលបានសម្រេចចិត្តផ្អាកការប្រកួតនៅ Cordoba តែម្តង ។